WAN - Viraştişê kilîme ke yew adetê tewr kan ê merdimîye ya, destê cinîyan de açeryenê berardişê hunerî. Yew cinîyê ke kilîman viraznena wina va: "Êdî zaf tay kesî nê karî kenê. Ma hewl danê ke no meslek berê ameyox."

 

Viraştişê kilîman yew adetê tewr kan ê şarê kurdan o. Kilîmî tena lazimîyê fîzîkî ra nînê viraştiş, ageyrenê huner û her yew benê wayîrê hîkayeyêke. Wexto ke hîkayeyê kilîman yenê têhet, cuya Kurdan, bêrîkerdiş, hesret, fikar û çîyê ke ameyê sereyê înan vejîyenê meydan. La viraştişê înan sey verê zêde eleqe nêvînenê. Verê taxan de her keyeyêke de kilîm ameyne viraştiş û nika tena çend keye viraznenê.

 

'Wa Kurdî wayîrê adetê xo vejîyê'

 

Ember Erola 50 serrî ya û 20 serrî yo kilîman viraznena, dîyar kena  ke viraştişê kilîman hunerê Kurdan o û va: "Zafê cinîyê taxe fek adetê verê ra vera dayî. La ma hema dewam kenê. Verê feqîrî estbî. Camêrdî nêxebityayne. Ma cinî seba debare xebityenê. Modelê ma yê ke verê ra mendê estê. Ma nika modelan danê verê xo û viraznenê. Ma hîn seba rotiş, hîn zî seba xo viraznenê. Verê ma bi peşmî viraştêne. Ma peşmî bi xo reng dayne ci. Nika pêwa ke heme çî asan bîyo zî kes nêvirazneno. Ganî cinîyê Kurd wayîrê adetê xo vejîyê."

 

'Ma bi keda xo pere qezenc kenê'

 

Pakîze Erola 65 serrî ke 40 serrî yo kilîman viraznena wina va: "Ez pîranê xo ra musaya û ma domananê xo rê zî musna. Ez 65 serrî ya. Mi heta nika kilîmî viraştê. Ma qetî fek nê karî ra vera nêdanê. Kal û pîrê ma viraştêne. Ma do zî viraznê. Ma bi keda destê xo qezenc kenê."