ŞIRNEX - Sîlopîyê Şirnexî de domanêke mamosteya xo ya rehberî rê nuşte nuşt û nuştiş de dîyar kerde ke birayê aye û dezayê dayîka aye vera aye îstîsmaro zayendî kerdê. Dimayê ke mamosta sucê ensestî vet meydan, domane îfade da dozgerî û va aye nêwazena bi keyeyê xo dir bicuya.

 

Sîlopî de domanêke mamosteya xo ya rehberî rê nuşte nuşt û nuştiş de dîyar kerde ke birayê aye û dezayê dayîka aye vera aye îstîsmaro zayendî kerdê. Dimayê nê domane îfadeyo ke dozgerî de da dîyar kerde ke aye nêwazena keye dir bicuyo û waşte ke yurdê dewlete de bi ca biba.

 

Domana ke ewil bi nuşte hedîse mamosteya xo ra va, dima ra rî bi rî mamosteya xo ra va. Dimayê gerrekerdişê mamosteya rehberî, domane berdî dozgerî û domane îstîsmaro zayendî yê sîstematîk psîkolog û avûkatan rê qalî kerde. Dimayê îfadeyê ke ameyî girewtiş, dozgerî tehqîqat da destpêkerdiş û vejîya meydan ke hema îdianameyêke nêameyo amadekerdiş.

 

Amî tehdîdkerdiş

 

Domane dîyar kerde ke 4 serrî verê hetê birayê xo S.Y ra rastê îstîsmaro zayendî ameya û tewr peyîn zî 2 serrî verê hedîse reyna ameya tekrarkerdiş. Domane eynî wextî de va ke xêrcê birayê aye S.Y, dezayê dayîka aye zî aye îstîsmar kerdo û va hetê wirdî camêrdan ra zî rastê tehdîdî ameya û coka bêveng menda.

 

Qerarê tepiştişî nêvetî

 

Domane arde ziwan ke aye nêwazena bi keye xo dir bicuyo û îfadeyê xo de waşte ke yurdê dewlete de bi ca biba. Mamosteya rehberî zî îfadeyê xo de va ganî îfadeyê domane esas bêrê girewtiş û va ê nêwazenê beşdarê dewa bibê. Dozgerî derheqê hedîse de tehqîqat dayî destpêkerdiş û hema derheqê wirdî camêrdan de qerarê tepiştişî nêameyo vetiş.