AMED - Qayûmê şaredarîya Amedî kerdê binê deyn, pêwa bêûsulîyê înan her çar hetê bajar afîş û pankartê ‘Ma bê yew kuruş deyn, ximzet şarî rê kerd', ‘Kar û barê ma Amed o’ daliqnayê.

 

Şaredarîyê Wan, Agirî, Sêrt, Dêrsim, Şirnex, Colemêrg, Mêrdîn û Amed ke bi xeberê bêûsulî bi demêke rojeve de yê, raporê înan ê ekonomî hetê sayiştayî ra ame cigêrayîş û rapor ame amadekerdiş. Goreyê ke rapor ameyî amadekerdiş, bîlançoyê mîlyon lîra ameyê xerckerdiş nêame bicakerdiş û aqûbet zî nîno zanayîş.

 

Rapor de vejîya meydan ke Wan de keyeyê şaredarî ameyî rotiş û dayê kîra, do ameyîşê înan bêro taqîbkerdiş. Agirî de deyn rast nêame nuştiş. Sêrt de qeydê 567 keyeyê şaredarî nînê barkerdiş, nêameyî vînayîş. Dêrsim de zî derheqê tabloyê ekonomî de zanayîşê rast nêameyî dayîş. Şirnex de keyeyê ke ameyê teqeskerdiş dimayê kontrolî kerdê binê qeydan.

 

Şaredarîya Bajarê Gird ya Amedî ke qayûm tayîn bibi, bîlançoyê ci zî bi mîlyonan lîra deyn eysenê. Her çiqas şaredarî vaja şaşî 2018an dima ameya sererastkerdiş zî rapor de ame vatiş ke rewşe do  kontrolê 2018an de dîyar bibo. Vejîya meydan ke Şaredarîya Peyasî ê Amedî zî bi mîlyonan deynê ci estê.

 

Şaredarîyê ke qayûm ro ci ameyî tayînkerdiş, netîceyê raporê înan ekonomî ferasetê înan ê xizmetî vejîyeno meydan û pêwa nê kuçeyê Amedî de afîş û pankartê ‘Bê ke ma yew kuruş bikoyê binê deyn ma şarî rê xizmet kerdo' daliqnayî.