COLEMÊRG - Her yew raşteyê ekonomî tesîrê xo krîz ra herîna. Colemêrg de zî verê cû ra nata zozan yenî qedexekerdiş. Hemwelatîyê ewja bi miqatekerdişê heywanan debara xo kenî. La emserr têmîyanîya ekonomî seke heme çîyan vaye kerd, vaş û simerî zî vaye kerd û şar bêçare bîyo.

 

Krîzê ekonomî yê Tirkîye her ke şono hîna xorî beno. Her yew raşteyê ekonomî tesîrê xo krîz ra herîna. Colemêrg de zî verê cû ra nata zozan yenî qedexekerdiş. Hemwelatîyê ewja bi miqatekerdişê heywanan debara xo kenî. La emserr têmîyanîya ekonomî seke heme çîyan vaye kerd, vaş û simerî zî vaye kerd û şar bêçare bîyo.

 

'Ma do fek no gure ra vera bidî'

 

Derheqê babete de hemwelatîyan ra  Feyroz Yigita ke bi serran o şiwanî kena qisey kerde û dîyar kerde ke bi serran heywanan miqate kene, la a qasê emserr qet zehmetî nêanta û va: “Hukmat bi serran o zozananê ma qedexe keno. Ma tena aşmanê hamnanî de nê zimistanî de zî heywanan miqate kenî. Ma bi wayîrkerdişê heywanan debara xo kenî. Serranê peyênan de karê ma ameyo merheleya tewr xirab. Dewlete bi qedexekerdişê zozanan û krîzê ekonomî cuya ma daya vindetiş. Ma emserr zaf zehmetî ancenî. 50 serrî yo ke ez heywanan miqate kena. Mi sey emserr zehmetî nêante. Vaş û simer vaye bîyî. Êdî ma nêeşkenê heywanan miqate bikerî. Mi emserr 12 ton vaşe herîna û 12 hezar TL tepişt. Ma qezenc ra zêde zirar kenî. Peyêna peyên ma do fek no gure ra vera bidî.”

 

'Tirkîye de heywankarî mireno'

 

Feyroze qiseykerdişê xo yê verênan de qala şîyayîşê zozanan kerde û va: “Ma aşmanê hamnanî de seba şîyayîşê zozanan destûr gênî û encax bi no hawa eşkenî şêrî. Kamî ca de ameyo dîyîş ke merdim seba zozanan destûr gêno? Hemverê ma de vindetişêko winasî esto. Ma her serre şonî Berçelan. Êdî şar nêeşkeno debara xo bikero. Bi zanayîş qedexeyê zozanan û krîzê ekonomî xorî kenî. heywankarî tîya de mireno. Seba ke Tirkîye de heywankarî nêmiro, dewlete mîyanê hewldayîşan de ya. Hewl danî ke merdiman mecburê xo bikerî.”

 

'Ganî îdarekarî çareserî bîyarî'

 

Feyroze tewr peynî daye zanayene ke vayeya vaş û simerî bena sebebê rotişê heywanan û wina qedênaye: “Ma çiqas vaş, simer  biherînî, ma hende kewenî tenganî. Krîzê ekonomî vera ma ti qezenc û feyde heywanan ra nêherînenî. Eke rewe wina dewam bikero do heme kes heywananêxo birişo. Ganî îdarekarî çareserî bîyarî.”