Ronîda Hacî 

 

HESEKÊ - Endama Îdareyê Keyeyê Êzidîyan Cîhan Celeo derheqê tehdîdê Erdoganî yê serê  Rojhelat û Vakurê Sûrîye de va: "Bi tehdîdê Erdogan, destkewtişê heme şarê Sûrîye hedef yenê girewtene. Vera tehdîdan ganî heme şarê Sûrîye cuyenê bibê yew. Ganî ma pîya bîyayîş û herra xo bipawê."

 

Derheqê tehdîdê Erdoganî yê serê Rojhelat û Vakurê Sûrîye de Endama Îdareyê Keyeyê Êzidîyan Cîhan Celeo şîrove kerde û va: "Vera heme polîtîkayê qirkerdiş, îşgalkerdiş û çinkerdişî ganî heme dinya serê lingan de bibê. Çunke nê polîtakayan zirar danê heme şarê dinya. Şexsê şarê Kurd de zirarêke pîl heme şarê dinya rê yeno kerdene."

 

'Her wext piştdayîşê çeteyê DAÎŞî kerda'

 

Cîhane da zanayîş ke dewleta tirkî her wext bi tehdîdê xo qezencê heme şarê Sûrîye hedef girewta û wina va: "Tirkiye bi polîtîkayê xo vera bêhuqûqî û bêmerdimayî her wext demokrasî hedef girewta. Her dem piştdayîşê çeteyê DAÎŞî kerda. Bi tehdîdanê xo Erdogan reyna wazeno rih bido DAÎŞ. La vera nê polîtîkayê lêşinan vindertişêke zelal û yewîtî girîng ê."

 

'Do pêgirewtişê şaran cewabo tewr xurt bo'

 

Cîhane bale ante serê taybetmendî û girîngîyê pêgirewtişê şaran û wina qedêna: "Kurd, Ereb, Suryan, Aşûr, Tirkmen û Kurdê Êzidî yê Sûrîye wexto ke bibê yew do no zî bibo cewabo tewr xurt ê vera zîhnîyetê îşgalkerdişî. Do pêgirewtişê şaran cewabo tewr xurt bo. Ganî şar dorê QSDî kom bibo û piştdayîşê ci bikerê û hemverê îşgalkerdişê dewleta Tirk û çeteyê ci xo ver bidê û wayîrê herra xo vejîyê. Bi tehdîdê Erdogan, qezencê heme şarê Sûrîye hedef yenê girewtiş. Vera tehdîdî ganî heme şarê Sûrîye cuyenê bibê yew. Ganî ma pîya bîyayîş û herra xo bipawê. Vera heme polîtîkayê qirkerdiş, îşgalkerdiş û çinkerdişî ganî heme dinya serê lingan de bê. Çunke nê polîtîka zirar danê heme şarê dinya. Şexsê şarê Kurd de zirarêke pîl heme şarê dinya rê yeno kerdiş."