Gulîstan Azak

 

AMED - Netîceyê vejîyayîşê kapaxê Awbendê HESî yê Dîcleyî de erdê welatîyê taxa Dîcle binê awe de mendî. Welatîyê taxe dîyar kerdî ke mexdurîyetê înan seba bêsîstemê selahîyetdaran ameyo meydan. Cinîya bi nameyê Sidika Kelekçîere wina va: "Verê çiman de yo ke awbendî zirarêke senîn danê vu. Ma no zimistan tenûra xo ra kolîyanê xo ra bî."

 

3 kapaxê Awbendê HESî yê Dîcle ke taxa Selman ê Gêlê Amedî de yo, serra 2000î de kewt falîyet, yew kapax vejîya û sere de beşêke Baxçeyê Hewselî, pirda Des Berî yê tarîxî de zî zirarê pîl virazyayî. Xeylê erdê ramitişî kewtî binê awe. Rojê vîyarte de seba şilîye kapaxê bînan de zî rîsk ameyo meydan û endîşe zêde benê.

 

Welatîyê taxa Dîcle ke erdê înan binê awe de mendê dîyar kerdî ke sebebê mexdurîyetê înan bêhîsgêrîyê selahîyetdaran o û çîyê ke ameyê cuyayîş hukmat berpirsîyarar vînayî.

 

'Hişan de persî estê'

 

Hemwelatîya taxa Dîcle Arzu Kelekçîere da zanayîş ke hedîseya awbendî xeylê pers ardê  hişê merdiman û va ganî hukmat hedîse senîn ameya cuyayîş zelal bikera û zirarê şarî zî tespît bikerê. Arzuye arde ziwan ke awbend zirarêke pîl dayo înan û baxçeyê înan heta kolîyê înan zî her çî binê awe de mendê.

 

Arzuye wina dewam kerde: "Dewa ma qezaya Dîcle de ya. Merdimê ma vatî do awe berz biba. Dima ra anonsê vengkerdişê taxe kerdî. Ma doman, kal û pîr şî taxa cor. Heme baxçeyê ma binê awe de mendî. Maydanozo ke ma ramitib heta kolî ma yê zimistanî binê awe de mendî. Keyeyê ma zaf nêzdîyê çemî bi. Ma bi endîşeyîn bî. Seba bêhîsgirîyê hukmatî wina bi. Şiknayîşê kapaxî çîyêke şenik nîyo. Kapax senîn beno ke şikêno."

 

'Ma taxa xo ra nêvejîyenê'

 

Cinîya bi nameyê Sidika Kelekçîere zî dîyar kerde ke pêwa vengdayîşê derheqê şiknayîşê kapaxî tahlîyekerdişê taxan ma taxanê xo ra nêvejîyayî û wina va: "Xeylê rey waştî ke ma taxanê ma ra vejê. La ma fek keye û taxa xo ra vera nêda û ma do nêdê. Heme çî ma binê awe de mend. Ma mexdurîyetêke pîl cuyayî."