WAN - Endama Komîsyonê Hepisxaneyê Baroyê Wanî Sîmîn Atabaye dîyar kerde ke sebebê zêdebîyayîşê îhlalkerdişê heqan ê hepisxaneyê qelsbîyayîşê qanûnan û caardişê kêfî yê û wina va: "Îdareyê hepisxaneyan binê nameyê ‘talîmatnameyî de' heme îhlalkerdişê heqan meşrû keno."

 

Endama Komîsyonê Hepisxaneyê Baroyê Wanî Sîmîn Atabaye îhlalkerdişê heqan ê hepisxaneyan de domanê ke bi dayîkê xo dir kewtê hepisxaneyan, hepsîyê nêweş û ferzkerdişê SEGBÎSî şîrove kerde.

 

Sîmîne arde ziwan ke dimayê OHALî îhlalkerdişê heqan vejîyayê sewîyeya tewr cor û wina va: "Serra peyîn de zêdebîyayîşê îhlalkerdişê heqan, seba qanûnan bi ca yeno. OHAL û KHK sey hacetê meşrûkerdişî yenê xebitnayîş. Cewabê seba îhlalkerdişê heqan ke ma rê yenê hetê 'talîmatname de wina bi ca vîneno' yo. La wexto ke ma ewnîyenê hîyerarşîyê norman esto. Bi caardişê kêfî îşkence yenê kerdiş."

 

'Heme hepisxaneyan de îşkence yeno kerdiş'

 

Sîmîne dîyar kerde ke Pêameyîşê Heqê Merdiman ê Ewropa sey heqêke seba her kesî ameyo dayîşî yo û nê çî va: "Heme hepisxaneyan de şîdet û îşkence esto. Heqê weşîye yeno astengkerdiş. Lazimîyê înan bi ca nînê. Heqê pêvînayîşan yenê astengkerdiş. Heqê dermankerdişî yeno astengkerdiş. Kitabê înan yenê desteserkerdiş. Mektubê înan yenê desteserkerdiş. Hepsîyê ke vera nê zî vejênê yenê derbkerdiş. Bi taybet 4 hepisxaneyan de îhlalkerdişê heqan sewîyeya tewr cor de ya. Hepisxaneyê Trabzon, Patnos, Elezîz û Wanî de îhlalkerdişê heqan ê pîl yenê cuyayîş."

 

'Hepisxane seba domanan beno sebebê travma'

 

Sîmîne va ke eynî wextî de domanê ke bi dayîkê xo dir hepisxaneyan de manenê zî şertê giran de cuyenê û rayîr ver bi travma akenê. Sîmîne qiseykerdişê xo wina dewam kerde: "Ganî domanî hepisxaneyan de nêmanê. Wexto ke kewenê hepisxaneyan, rewşa kewtişê sucî cuyenê. Ma dîyar kenê ke, seba domanan ganî sererastkerdişê sosyolojîk û psîkolojî bêrê kerdene. Heto bîn ra hepsîyê nêweş zî hetê wendişê heqê weşîye de probleman cuyenê. Hepsî seba vejîyê revîr ganî waştişname bidê îdareyî. Seba rewşa lezgîn zî çend roj dima benê revîr. Eynî wextî de hepsîyê ke şinê nêweşxane zî destê înan piştî înan kelepçekerde benê. Verê nê caardişan ferzkerdişê ke hepsî bi SEGBÎSî beşdarê dadgehe bibê yenê kerdene û nê dir zî heqê înan yenê îhlalkerdene."

 

Sîmîne va ê sey Komîsyonê Hepisxaneyê Baroyê Wanî derheqê hepisxaneyê Trabzon, Patnos û Wanî de cigêrayîş kenê û îdareyê hepisxaneyan heme îhlalkerdişan binê nameyê 'talîmatname de' meşrû kenê.