WAN - Hafsat Abî sîya bi nameyê ‘îsmîd’ ke bajarê Îsfahanî yê Îranî ra ana, hewan de kona û kena kilê çiman. Hafsate dîyar kena ke kil seba weşîya çiman zî baş o.

 

Cinî verê ra kilê çiman xebitnenê û kilo tewr baş zî bi sîya îsmîtî ke bajarê Îsfahanî yê Îran ra yeno viraştiş o. Cinîyê ke adetê kilî dewam kenê, sîya îsmîd cayê ke baş de pelçiqnenê û kenê sey toz.

 

Hafsat Abîya ke qezaya Îpekyolê Wanî de taxa Hîsar de kil viraznena wina vana: "Sîya îsmîd tena weşik nêkena, eynî wextî de seba weşîya çiman zî sey derman yena xebitnayîş. Yê nika taybetî û girîngîyê sîya Îsmîd nêzanê. La zaf girîng a."

 

'Dejê sereyî zî bena'

 

Hafsate qalê taybetîyê sîya îsmîdî zî kerde û wina va: "Sîya kilî ya. Îsfahan ra yena. Tewr baş na ya. Hetê Magrîb (Fas) ra anê. Tewr bi kalîte ya, ya rew werdî bena, ya parçeyê aye beriqênê û tede lêşinî çin a. Fêdeya aye seba çiman zaf esta. Birînan pak kena. Dejê sereyî bena. Sûka Îranî yê Wanî de û dikanê nebatan de yena rotiş. Ma hewan de konê, kenê toz. Cinîyê ciwan nika zaf zêde nêxebitnenê. Hacetê makyajî xebitnenê. La ê zaf bi zirar ê."