Rûken Goman  

 

QAMIŞLO - Cinîyê Endamê PYDî derheqê tehdîdê Erdoganî yê serê Rojawanî de reaksîyon ramojnayî û vatî: "Tu kes do nêeşko yewîya şarê  Kurdî hedef bigîro û hêrişê destkewtişê înan bikero. Do heme şarê Sûrîye vera tehdîdê Erdoganî vinderê."

 

Cinîyê Endamê Partîya Yewîya Demokratîke (PYD) derheqê tehdîdê Erdoganî yê serê Rojawanî de vatî ke: "Wa Erdogan nêvajjo qey o do bieşko şarê Kurdan rê bido vindîkerdiş. Do qetî serkewte nêbo. Do îşgalkerdiş û faşîzm vindî bikerê."

 

'Do qetî nêeşko şarê Kurd çin bikero'

 

Endama Meclîsê Cinîyan ê PYDî Şadiya Omere wina va: "Erdogan xeylê rey nê tehdîdan keno. Amancê ey o yo ke yewîya şarê Sûrîye hedef bigîro. Erdogan eynî wextî de wazeno ke reyna DAÎŞ bi hêz bibo. O nê wazeno ke hizur bibo. Her wext waşto ke kaos tewr pîl bibo. Erdogan vano ke ez wazena teror çin bikerî, la piştdayîş dano DAÎŞ. Wa Erdogan hewn û xeyalê vengan nêkero. Do qetî nêeşko şarê Kurd çin bikero."

 

'Do îşgalkerdiş û faşîzm vindî bikerê'

 

Heto bîn ra Endama Îdareyê PYDî Yeldiz Cûma zî wina va: "Dimayê îşgalkerdişê Efrînî Erdogan wazeno ke heme herra Rojawanî îşgal bikero û nêwazeno ke Kurdî bibê wayîrê statu. Wazeno ke  faşîzm xo heme cayan vila bikero. La o do mîyanê faşîzmê xo de şêro. Tu kes do nêeşko yewîya şarê Kurd hedef bigîro û hêrişê destkewtişê înan bikero. Do heme şarê Sûrîye vera tehdîdê Erdogan vinderê. Wa Erdogan nêvajo qey o do bieşko şarê Kurd biqedêno. Do qetî serkewte nêbo. Do îşgalkerdiş û faşîzm vindî bikerê."