WAN - Şaredarîya DBPî ya Ebexî seba dewan xeylê xebat dabî destpêkerdiş la dimayê ke qayûm ame tayînkerdiş dima heme rayîr mîyanê herrî de mendî. Cinîyan dîyar kerdî ke ê şaredarîyê xo yê weçînabî peyser wazenê.

 

Qezaya Ebexî ê Wanî dimayê ke qayûm tayînê şaredarîya DBPî bi dima dewî ameyî xovîrrakerdiş. Cinîyê ke dewa Salmanî yê Cor de cuyenê, dîyar kerdî ke ti selahîyetdar nînê dewa înan û debara lazimîyê înan de tu xebate nîna meşnayîş. Cinîya bi nameyê Denîz Dagdemîra ke dewe de cuyena arde ziwan ke pêwa ke dewa tewr pîl ê qezaya, dewe wêran bîya û wina va: "Dimayê ke dest dayî serê şaredarîya ma dewa ma peygoş amî kerdene. Verê qayûm ma bi şaredarî dir têkilî de bî. Dima ra wina bi. Lazimîyê ma bi ca nînê. Ebex de 99 dewî estê û dewa tewr qerebalix ya ma ya. Tîya de ti xebat nîna meşnayîş."

 

Ma şaredarîya xo wazenê 

 

Denîze dewam de da zanayîş ke rayîrê DBPî viraştêne, dimayê qayûm nîmecet mend û wina va: "Zimistanî tîya de zaf şilîye varena. Seba nê heme çî mîyanê çamure de maneno. Şaredarî ma rê soz dabî. Vatibî do dewe de firin û cayê şitişê xalîyan viraznê. La dimayê qayûm heme çî nîmecet mend. Ma şaredarîya xo reyna wazenê."

 

Seher Elma û Ayşe Demîre zî arde ziwan ke ê êdî qayûm ra çîyêke nêpawenê û va verê qayûm şaredarî heme lazimîyê înan bi ca ardêne la nika tu kes nîno dewe înan.