WAN - Ebexa Wanî de hepisxaneyo ke seserra 18in de hetê Kok Axayê Êzidî ra ameyo viraştiş û hetê kêna ey Dilşah ra ameyo îdarekerdiş bi 301 serrî serê lingan de yo.

 

Qezaya Ebexê Wanî hepisxaneyo ke yeno dîyarkerdiş seserra 18in de hetê Kok Axa yê Êzidî ra ameyo viraştiş û hetê Armenîyan ra sey ‘Qubîka’ yeno binamekerdiş. Hepisxaneyo ke xizmetê ci nêameyo kerdiş û kela de ca gêno nika bi xetereyê çinbîyayîşî dir rî bi rî yo, xeylê rey rastê hêrişî ameyo. Keleya qilê koyê Arikelle de ca gêno de hepisxane zî esto û pêroyî de 12 beşan ameyo meydan. Dergîya hepisxaneyî 15 metre yo û hîrayîya ci zî 8 metre yo. Yeno vatiş ke hepisxane hetê kêna Kok Axayî, Dilşahe ra ameyo îdarekerdiş.

 

Ê ke zirar dayne cinî û domanan ameyne cezakerdiş 

 

Kesê dewa Sagmaliya cor de cuyenê, dîyar kenê ke kesê berjewendîyê şarî nêpawitêne tîya de ameyne cezakerdiş.

 

Dewijan heto bîn ra da zanayîş ke kesê ke zirar dayê doman û cinîyan, dizdî kerdê uca de ameyê cezakerdiş.