MEXMÛR - Ame dîyar kerdene ke Mexmûr de kesê ke netîceyê hêrişê teyareyê dewleta tirkî de cuya xo vindî kerdî 3 ci ra cinî û yew zî doman a.

 

Teyareyê dewleta tirkan vizîr saete dorê 21.00an de Kampa Mexmûrî (Şehîd Rustem Cûdî) rê hêrîş kerd û netîce de 4 kesî cuya xo vindî kerd. Kesê ke cuya xo vindî kerdî, serê siba nasnameyê înan eşkera bi. Goreyê îzahatê ke hetê Meclîsê Şar ê Mexmûrî ra ame dayîş de ame dîyarkerdiş ke hêrişê vizîr şan de ame kerdene de eynî keyeyî ra dayîk, kêna aye û tornê aye ameyî kiştiş.

 

Meclîsê Şaran ê Mexmûrî dîyar kerde ke hêriş de cinîya 73 serrî Asya Alî Muhammed, kêna aye 26 serrî Narînç Ferhan Qasim, Tornê aye 14 serrî Evîn Kawa û Eylem Muhammeda 23 serrî ya.

 

Heto bîn ra îzahat de ame eşkerakerdiş ke keyeyî wexto ke êmê heywanê xo dayne hêriş dir rî bi rî mendê.

 

Dimayê hêrişê şewa bîn saetê serê siba de şarê kampe ke şîyar bî reyna warê dewe de kom bî. Kampe de tu kargeh nêameyî akerdiş.

 

Goreyê îzahatê Meclîsê şarî do ewro seba kesê ke netîceyê hêrişan de cuya xo vindî kerdî saete 13.00 de merasîmê cenaze bêrê kerdene.