WAN - Cinîyê Wanijî dîyar kerdî ke şaredarîya ke hetê qayûm ra yena îdarekerdene, taxê ke xeylê xebatan ganî bikerê estê zî la tu xebate heta roja ewro nêdaya destpêkerdiş û ardî ziwan ke domanê înan wexto ke mîyanê çamure de manenê, lambeyê kuçeyan nêkewenêta û kuçe mîyanê çamure de yê. Cinîyê ke reaksîyon ramojnayî qayûm vatî ke kuçeyê înan seba ke teng ê her roj benê sebebê qezayê trafîkî.   

 

Cinîyê Wanî reaksîyon xo qayûmo ke tayînê şaredarîya Partîya Herêmê Demokratîkî (DBP) ameyo kerdene ramojnayî û qayûm, taxa Suphanî qezaya Artemêtî yê Wanî de seba ke tu xebatan nêkeno mîyanê çamure cuyenê. Cinîyan dîyar kerde ke her çiqas muracatê Şaredarîye kerdê zî problemê înan rê tu çare nêameyo vînayîş.

 

'Domanê ma mîyanê çamure de manenê'

 

Cinîya bi nameyê Zehra Karakaya dîyar kerde domanê înan seba çamure nêeşkenê vejîyê kuçeyan û wina va: "Domanê ma seba ke nêeşkenê çamure ra derbaz bibê, nêwazenê şêrê cayêke. Wexto ke şaredarî destê DBPî de bî seba xebata taxe hîn game amebî eştiş û hîn amadekarî estbî. Şaredarî waştêne ke corê taxe de parkêke virazna û projeyêke înan bi no hewa estbî. La dimayê ke qayûm ame nê projeyî vindarnayî. Seba ke problemê ma bêrê çareserkerdiş ma muracatê şaredarîye kerde tu çare nêame vînayîş."

 

'Qayûm xapêneno nêxebityeno'

 

Zehra va ke qayûm şarî xapêneno û wina va: "Qayûm tena kuçeyê pîl de sererastkerdiş kerd û o zî seba ke rayîrê viraştişî teng o, her roj qeza ci de yenê meydan. Wexto ke wesayît qeza kenê parçeyê camê înan heta balkonanê ma yenê. Seba rayîrê wendegehê domanan qum gerek bimaeyne rijnayîş o zî nêkerdî. Ma hemşaredarê ke ma bi xo weçînabî wazenê."

 

'Wexto ke vewre û şilîye varanê ma tesîr benê'

 

Meryem Alagoze va ke na taxe cuyake sey dewe esta û wina va: "Ma dewe de bimendêne tewr baş bi. Dewe de qe nêbo zergunayî esta, ma tîya mîyanê çamure de gevezênê. Ne lambayê kuçeya konê ta, qezayê tirafîkî her roj yenê meydan. Şaredarîya qayûm tu çîyêke nêkena. Ma 29ê Adare de heme şaredarîyê xo peyser bigîrê."

 

'Ma şaredarîya xo wazenê'

 

Cinîyan ra Seyran Kuşe zî va ke aye xebatê şaredarîya qayûmî ra memnûn nîyê û wina va: "Eke şaredarîya ma ya DBPî bîne problemêke qij rê zî mudaxele kerdêne. La şaredarîya qayûm tu çîyêke nêkena. Problemê taxe nînê dermankerdiş. Ma şaredarîya xo wazenê."