WAN - Cinîya bi nameyê Azîze Batmaza qijîya xo ra vera makînaya deştene ê dayîka xo eleqeyê aye virazya her ke pîl bî açerna meslek û deştişo ke keye de da destpêkerdiş nika di dikanî akerdê de dewam kena. Azîzeye dîyar kerde ke pêwa ke mêrdeyê aye piştdayîş nêdayo aye zî aye xo ver daya û va ganî pawitişê tu cinî camêrdan ra çin bo.

 

Cinîya bi nameyê Azîze Batmaza ke yew cinîyê ke heme  kodê zayendî ya ekonomîya xo qezenc kerda ya. Emrê qij de bi makînaya deştene ya dayîka xo dest bi deştiş kena û nika wayîrê dikanê deştişî ya.

 

'Mi makîneyêke xo rê girewt'

 

Azîze dîyar kena ke her ke pîl bîya deştiş ra tewr hes kerda û wina va: "Ez hêdî hêdî musaya. Dimayê ke ez karê xo de aver şîya, mi xo rê makîneyêke girewt. Mi rîyê lihîf û balişna deşt. Dima ra mi fistanî deştî. Ez seba ke debara xo xebityena. Ez şîyayeyê domananê xo vejena. Çîyêke keye de kêm ê kez gêna."

 

'Ez qetî fek karê xo ra vera nêdana'

 

Azîzeye da zanayîş ke vernê de keye de deştiş kerda û dima ra dikan akerda û wina va: "Makîneyê mi keye de bî. Mi kar keye de kerdêne. La her wext muşterî ameyne keye. Mêrdeyê mi reaksîyon ramojna. Mi zî va qetî ez fek karê xo ra vera nêdana. Dima ra ez kewta dikanêke qij. Mi dikan sererast kerd û soba da ro. Nika ez karê keyeyî qedênena û şina dikan. Hem rehet xebityena û hem zî muşterî rehet ê."

 

'Lastîkê fistanan 3 TL ra vejîya 10 TL'

 

Azîzeye tewr peyîn qiseykerdişê xo de bale ante serê tesîrê krîzê ekonomî yê serê înan û va her çî vay bîyo û bi taybet lastikê fistanan ke verê ya bi 3 TL bi nika bîyo 10 TL. Azîzeye heto bîn ra arde ziwan ke ganî pawitişê tu cinî camêrdan ra çin bo û azadîya ekonomîya xo ra qezenc bikerê.