Ferîde Zade 

 

ŞEHBA - Cinîya bi nameyê Fatmê Hesena ke seba mewsîmê zimistanî de hem xo germ bikerê û hem zî werdê xo viraznê kolîyê wişkan kom kena û vana: "Xêrê kolîyê wişkan ma xo hem germ kenê, hem zî werdê xo viraznenê. Zimistanî seba ke şilîye zêde ya, wexto ke ma kolîyan kom kenê ma bi zehmetîyê pîlan dir rî bi rî manenê."

 

Şehba de pêwa şertê zimistanî yê xidar cu tewr  zehmet bena û cinîyê Şehbayî vera nê têkoşînê cu danê. Cinîya bi nameyê Fatmê Hesena ke dewa Erendî yê girêdayê qezaya Şiyêye ra û dewa Tel-Qirah yê Kantonê Şehba de bi ca bîya û seba zimistanê kolîyan kom kena û têkoşînê cu dana û wina vana: "Seba ke mewsîmê zimistanî serd o no semed ra ma rê tewr zehmet yeno. Coka ma zî hewl danê ke vera nê zehmetîyan ma serê linganê xo de vinderê."

 

'Eke kolî nêbê ma do nêeşkê xo germ bikerê'

 

Fatmê wina va: "Şehba de îmkanê seba tevgerê cu asan bikerê kêm ê. Coka ma xeylê zehmetîyan ancenê û zimistan de rewşa me tewr xirab beno. Şarê ke kampan de bi ca bîyê zaf zehmetî vînenê. Xeylê reyan soba zî çin a ke merdim xo ver de germ bikero. Heto bîn ra cilê domanan zî kêm ê. Eke kolî nêbê ma nêeşkenê xo germ bikerê. Coka ma pêwa heme zehmetîyan kolîyan kom kenê."

 

'Ma xoverdayîş ra hes kenê'

 

Fatmê qiseykerdişê xo wina qedêna: "Xêrê kolîyê wişk ma xo hem germ kenê û hem zî werdê xo virazenê. Zimistanî seba ke şîlî zêde ya wexto ke ma kolîyan kom kenê zehmetîyê pîlan dir ma bi rî bi rî manenê. Seba ke mewsîmê zimistanî serd o û ma no zî ma rê tewr zehmet o. Ma xoverdayîş ra hes kenê û ma do heta peyîn xoverdayîşê xo dewam bikerê."