Rûken Goman

 

GIRKÊLEGÊ - Derheqê padayîşê merkezê Tevgerê Azadî û RJAKî Verfeka Kongreya Star ê Kantonê Qamişloyî Ayhan Mûrade va: "Padayîşê partîyanê ma yê Başûrê Kurdistanî rayîr vernîya yewîya kurdan gênê. No zî xizmetê dişmin keno. Ganî ma destûr nêdê ke kesêke nêeşko şarê Kurdî parçe bikero û bipelçiqno."

 

Derheqê padayîşê merkezê Tevgerê Azadî û RJAKî de Verfeka Kongreyê Starî Kantonê Qamişloyî Ayhan Mûrade va: "Bi waştişê dewleta tirkî sazgehê cinîyan yê ke vera şîdetê cinîyan têkoşîn kenê û heqê heme komelî pawenê yenê padayîş. Vindertişêke wina nîno qebulkerdiş. Tu kes nêeşkeno îradeyê cinîyan bido pelçiqnayîş û do têkoşînê ma dewam bikero."

 

'Padayîşê sazgehan xizmetê sîyasetê çinkerdişê keno'

 

Ayhane wina va: "Tevgerê Azadî û sazgehê cinîyan Başûrê Kurdistanî hetê YNKî ra ame padayîş. Çîyo wina xizmetê çinbîyayîşê Kurdan keno. Padayîşê sazgehan xizmetê siyasetê çinkerdişî keno. Wext wextê yewî û têduştî yo. Hetê dişmin ra xora teda û zulm ro ma yeno kerdene. Ganî ma zî zulm û tedayan xo rê nêkerê. Heta ke ma wayîr destkewtişê xo û bîyayîşê xo nêvejîyê ma do her wext bi hêrişê dişmin dir rî bi rî bimanê. Vera kayê dişmin ganî ma yew bê."