WAN - Ame dîyarkerdiş ke qezaya Mîksî ya Wanî de darê 200 serrî yê gozan ke prosesê DBPyî de ameyêne pawitene badê ke qayûm tayînê şaredarî ame kerdene nêameyî pawitene û cok ra ameyi birnayene.

 

Qezaya Mîksî ya Wanî bi rindîya xozaya xo, cografyaya keske, zimistanê derg û dilayan û varayîşê vewrêka zêde yena naskerdene. Hema hema nêmîya serîyêk qeza binê vewre de ya. Qeza mabenê şarî de sewbîna bi nameyêk ‘gezegeno 9.’ yena binamekerdene. Na qezaya ke parçeyêka cennetîya nê rojan de bi qirkerdişê xozaye rojeve de ya.

 

'Şaredarîya DBPyî pawitêne'

 

Goreyê malumatê ke ameyi herînayene, qayûmo ke tayînê şaredarîya Partîya Herêmê Demokratîkî (DBP) ameyo kerdene 60 darê gozan ke emrê înan dormeyê 200 serrî de yo bêpawitiş vera dayo û ameyi birnayene. Hemwelatîyê herême dîyar kerdî ke şaredarîya DBPyî prosesê xo de timî herême de kontrolê daran kerdêne û bekçîyan ronayêne herêma daran. Hemwelatîyê ke Gundikê Şaxa de manenî dayî zanayene ke tay hemwelatîyî bê destûr daran birnayî û seba ke kok ra ameyî birnayene mumkun nîyo ke newe ra zergun bibî. Hemwelatîyî wina vatî: “Darê gozan seba ke kok ra ameyî birnayene mumkun nîyo ke newe ra zergun bibî. Tay merdimî no gure xo rê kerdî sey meslek û timî daran birnenî. Qayûm ra ver şaredarî daran pawitêne. Qayûê xoza talan keno.”