DÊRSIM - Şîlan Aslana ke 22 serrî ya seba biba keyaya dewa Pulumurî yê Ovacikê Dêrsim de muracat kerde. Şîlane veng da cinîyan û va: "Ganî ma cinî vernê de xo ra bawer bikerê. Wexto ke ma nê bizanê û ma wina têbigeyrê ma do mecburê tu kesî nêmanê."

 

Partîyan seba weçînayîşê ke do 31ê Adara 2019an de virazyê, xebatê xo yê seba dîyarkerdişê namzedan dewam kenê. Seba keyatî zî muracat dewam kenê. Cinîyê Dêrsimî seba keyetî muracat kenê. Şîlan Aslana ke 1994an de mecbûr mende dewa xo ra koç bikera, nika seba keyetîya Dewa Buzlutepeyê Pulurî yê Dêrsim de muracat kerde.

 

'Ez wazena hişmendî bi cinîyan dir bidî qezençkerdiş'

 

Şilane da zanayîş ke aye wexto ke biba keya aye tewr zêde wazena derheqê cinî û domanan de xebatan biekra û wina va: "Mi lîseya meslekî wende. Mi beşê resnayîşê domanan qedêna. Tîya cinî seba kar û barê zêde nêeşkenê wext bidê domananê xo. Coka ez do hewl bidî ke îmkanan awan bikerî cinî û domanî pîya wext derbaz bikerê. Verê cinîyan nêwaştêne ke ez seba keyatî bibî namzed. Ez wazena hişmendî cinîyan rê bidî qezençkerdiş."

 

'Wexto ke ez vînena hîn bi ziwanê dayîke qisey kenê ez kêfweş bena'

 

Şîlane wina dewam kerde: "Wexto ke ez şina bajar ez berîya dewe kena. Ez bêrîya kesê ke emrê înan berz o û kefî dorê milê xo geyrnenê kena. Wexto ke ez kesê ke vînena şalwer dayê xo ra ez wazena înan dir sohbet bikerî. Cayêke sîstem hîn tay mudaxele kerdo wazena uca de bicuyî. Wexto ke ez vînena hîn kesî bi ziwanê maya xo qisey kenê ez zaf kêfweş bena. Wexto ke ma nê bizanê û ma wina têbigeyrê ma do mecburê tu kesî nêbê."