STENBOL - Çagla Akdere dîyar kerde ke şîdet hêrişêke fîzîkî ke nêşkava de bêro kerdene nîyo û coka zî pawitişê cewherî ya femînîst têkoşînêke topyekun hewêneno û wina va: "Pawitişê cewherî ke cuya cînîyan de yeno munaqeşekerdiş û ca girewto, hetê dewlete ra nîno munaqeşekerdiş.

 

Torrê Pawitişê Cinîyan ra Çagla Akdere arde ziwan ke seba pawitişê cu vanê şîdet çîyo û va pawitişê cewherî tena pawitişêke tena vera şîdetê fîzîkî yo.

 

Çaglaye qiseykerdişê xo wina dewam kerde: "Wexto ke munaqeşeyê pawitişê cewherî yê femînîst yeno kerdene bêguman pawitişêke seba vindernayîşê hêrişê fîzîkî yo, la no bi tena sereyê xo qîm nêkeno. Seba ke şîdet hêrişêke nêşkeva ra fîzîkî nîyo ke hetê camêrdan ra yeno kerdene. Sîstemê serdest yê camêrdan seba xo bîyaye bikerê şîdet awan kenê. No tena fîzîkî nîyo. Bi xeylê maddeyan xo ramojneno. Ganî vera nê têkoşînek topyekun bêro ramojnayîş."

 

Çaglaye da zanayîş ke mîyanê pawitişê cewherî yê femînîst de, heta bêro pawitişê fîzîkî xeylê metodê ke eşkenê bêrê kerdene estê û va wextê pawitişê cewherî yê femînîst raste rast sey hacetê pawitişê fîzîkî bêro vînayîş, do şîdeto ke her wext xo zêde keno zî nêro caardiş. Çaglaye wina dewam kerde: "Dewlete biwazo şertê xo bi ca bîyara, pawitişê cewherî sey heqê rewa vînena. La bi krîter û şertê diyarkerde nê qerarî dana. Na zî dewlete senîn şîdet dana nasnayîş ramojnena. Dewlete şîdetê psîkolojîk şîdet ra hesab nêkena. Ganî ma derbeyê vera şîdetê fîzîkî ispat bikerê. Piştdayîşê cinîyan zaf girîng o. Ganî ma bimusê, ma bibê mamosteyê yewbînan. Ma eşkenê xeylê çî bikerê. Xeylê metodê ma estê."