Sîbel Ozalp

 

STENBOL - Gonul Karamana HDPyij e seba weçînayîşî vengdayîşê namzedîyê cinîyan kerdî û dîyar kerdî ke cinî orteyê sîyasetî û kerdoxê sîyasetî yê û no semed ra ganî cinî bibê namzedê HDPî yê.

 

HDPî Stenbol de bi kombîyayîşêke çapemenî startê xebatê weçînayîşî dayî. Îdarekara HDPî ya Stenbolî Gonul Karamane arde ziwan ke ganî namzedê cinî îdareyê mintiqa de xebatker bê.

 

Gonule da zanayîş ke krîtero esas ke bibo ganî polîtîkayê cinîyan ê HDPî şaredarî de bêrê ramojnayîş û wina va: "Ganî reng, fikr, vatiş esas bêrê girewtiş û problemê cinîyan bi rehetî bêrê çareserkerdiş. Ma demêke nêzdî de mintiqayê cîya kombîyayîşê cinîyan organîze kerdî. Cinî nêwazenê bikoyê sîyaset. Ganî cinî rolê ke înan ameyo ferzkerdiş bişiknê û beşdarê sîyasetî bibê. Ma zî nê ser xebatan meşnenê. Sere de îdareyê mintiqa de, ganî cinî sîyaset de ca bigîrê û ganî cinî vera zîhnîyetê serdest yê camêrdan têkoşîn bikerê."

 

Gonule da zanayîş ke înan xebatê xo yê ewil nasnayîş û îmzakerdişê kitabê Gultan Kişanak de kerdê û bernameyê 25ê Teşrîna Peyêne zî xebata înan yê ewil bî. Gonule arde ziwan ke ê xebatê xo yê serê teşwiqkerdişê namzedbîyayîşê cinîyan meşnenê. Bi pêroyî muracatî hewteyê peyîn de zêde benê. Ma do komîsyonê weçînayîşan merkez û qezayan de awan bikerê. Ma hîrê mintiqayê Stenbolî komîsyon awan kerd. Ma seba weçînayîşî amade yê."

 

Gonule tewr peyîn qiseykerdişê xo de wina va: "HDP partîya cinîyano. Partiyê bîn seba cinîyan çîyêk nêkenê. Partîya ma cinîyan dana vernî. Ma nê nimûneyan de vînenê. HDP vengê cinîyan berdo meclîs. Ma veng danê heme cinîyan ke HDP ra bibê namzed."