Safiye Alagaş

 

STENBOL - 82 karkerê Grîpîn Îlaç A.Ş de xebityenê û nîmeyê ci cinî yê, seba ke hîn babetan de bi wayîrê şîrketî dir biyewbînan nêkerdê, verê fabrîqa de grev de yê. ê di grevê de ne. Fabrîkaya ke 23 serrî de karkerî reya yewin kewenê grev û dîyar kenê ke ê heqê xo wazenê.

 

Grîpîn Îlaç A.Ş yo ke Avcilarê Stenbolî de 23 serrî yo berardiş keno. Fabrîqa de 82 kes xebityenê û nîmeyê înan cinî yê. Kargerê ke nika grev de yê dîyar kenê ke heta zamê ke wazenê nêro dayîş do fek grev ra vera nêdê.

 

Karkeran se ra 25 zam waştî û patronan zî se ra 17 pêşnîyar kerdî. Karkeran nê qebul nêkerdî û dest bi grev kerdî. 

Vîldan Ozgura 11 serrî yo fabrîqa de xebityena û dima ra teqawit bî, seba piştdayîş ameya verê karkeran û wina va: "Krîzî cuyayîş zehmet kerdo. Rewşa karkeran zehmet a. Karkerî ewnîyenê keye ra, pereyê kîra, awe, gazê tebîî danê. Do heta key dewam bikero. Xora kîra binê hezar û 500î de çin a."

 

'Zam kêm yeno kerdene'

 

Nuray Yilmaza 23 serrî fabrîqa de xebityena wina va: "Xeylê çî estê ez vajî la nêeşkena qalî bikerî. Ma se ra 25 zam waşt la no zî kêm o. La patron no zî zêde vîneno. Serra vîyarte de se ra 17 zam kerd. Ma şertê cu ra zehmetî ancenê."

 

Guleser Akin zî ke aye zî 22 serrî yo xebityena, da zanayîş ke ê zam wazenê la waştişê înan bi ca nîyanê û va mecbur mendî ke grev bikerê.

 

Endama Meclîsê Cinîyan ê Karkeran Fîdan Ataselîme zî ewnîyayîşê xo arde ziwan û da zanayîş ke nimeyê karkerê ke grev de yê cinîyê û va karkerê Metalî senîn qezenç kerdî do karkerê grîpînî zî bi no hewa qetî serkewte bibê.