ŞIRNEX - Seba cenazeya Hacer Arslana ke 3 serrî verê wextê qedexeyê tebervejîyayîşê kuçeyan de Cizîre de cuya xo vinî kerde bêra vînayîş cigêrayîş amebi akerdiş û cigêrayîş de ame vatiş 'dewamkerdişê cigêrayîş de feydeyê huqûqî çin o' û qerarê bêtaqîbkerdiş ame dayîş.

 

Cizîrê Şirnexî 14ê Kanûna 2015an de qedexeyê tebervejîyayîşê kuçeyan ame îlankerdiş û 79 rojan dewam kerd. Hîn cenazeyê kesê ke cuya xo vinî kerdê hema nêameyê vînayîş. Keyeyê Hacer Arslane bi 3 serrî seba cenazeya kêna xo têkoşîn kena. Netîceyê israrê dayîka aye Hezne Arslane de nimûneyê gonî seba DNAyî eşrawitî STE yê Stenbolî. Teblîgatê hetê Serdozgerîya Komara ya Cizîrî ra ameyo eşrawitiş de ame dîyarkerdiş ke nimûneyê gonî pê nêgirewtê û qerarê bêtaqîpkerdişî derheqê cigêrayîşî dayê.

 

Teblîgat de ame dîyarkerdiş ke meşnayîşê cigêrayîşî derheqê babete de feydeyê huqûqî çin o û hewce bi cigêrayîşkerdişî çin o.

 

‘Ez dest cigêrayîşî vera nêdana'

 

Dayîke Hezne Arslane zî do îtîrazê qerarî bikerê û wina va: "Avûkatî do vera no qerarî waştişname bidê. Eke Stenbol de nîya û mîyanê cenazeyan de nîya o wext kêna mi ça de ya. Bi 3 serrî ma a geyrenê. Ma nêzanê ça de ya. Eke DNA nêvejîyo o wext bi nameyê cenazeyan de ci bigeyrê. Wa dosya nêdê pa."