WAN - Pisînga Wan ya ke bi taybetmendîyanê xo dinya de sey aye sewbîna tewir çin a bi mudaxaleya bêplankerde yê merdiman vera kokimê înan çinbîyayîş ver de ya. Pisînga Wan tena Wan û cografyayê ke sey îklimê Wanî yî de cuyena. Cok ra wexto ke şona teberê îklimê Wanî mirena. 

 

Pisînga Wan ya ke bi taybetmendîyanê xo dinya de sey aye sewbîna tewir çin a bi mudaxaleya bêplankerde yê merdiman vera kokimê înan çinbîyayîş ver de ya. Pisînga Wan bi purtê xo yê sipî, çimanê xo yê zerd û keskan dinya de sewbîna tewiro ke manena aye çin a. Sewbîna taybetmendîya pisînge ra yew zî oyo ke vîşêrê Wanî sewbîna ti cayêk de nêeşkena bicuya. Hetta serra 2000î het raşteyê Wanî de ameyêne dîyayene, labelê nika zaf kêmî bîyî û tena cayê dîyarkerde de estî. Sebebê na zî mudaxaleya bêplankerde yê merdiman û êdî bîya sey darûya bazirganîye.

 

Zîlan Ergîn Oguza ke Keyeyê Pisîngan ya Wanî de xebetîyena wina va: “Tîya seba ke pisîngî bi hawayo xozayî bivirazîyî ameyo awankerdiş. Dima ra ma pisîngan vera danî teber. Emrê Pisînga Wan heta 12 û 17 serran şono.”

 

Zîlane qiseykerdişê xo de dîyar kerde ke Pisînga Wan sewbîna tewirê pisîngan ra cîya ya û wina domnaye: “Çimanê pisîngan ra yew zerd û yew zî  kesk o. Rengê înan sipî yo. Sewbîna rengî zî estî. Pisînga Wan aw û merdiman ra zaf hes kenî û tena Wan de eşkenî bicuyî. Kesêk ke yenî Wan tewr vernî wazenî pisîngan bivînî. Talebê rotişî zêdeyî. La ma pisîngan nêroşenî. Çimkî kokimê înan çinbîyayîş ver de ya.”