MERKEZÊ XEBERAN - Hemsereka KCDyî û parlamentera HDPyî ya Colemêrgî Leyla Guvena ke esîr yena tepiştene, çalakîya aye ya grevê vêşanîye ya hemverê tecrîdê serê Ocalanî  kewte roja xo ya 224ine. Bi heman waştişî zîndanan de grevê vêşanîye yê bi 10 rojan ê biagêrayîş û bêdemî vila benî.

 

Hemsereka Pêroyî ya HDPyî Sebahat Tuncele ke Zînadanê  Kandira de yena tepiştene û 14 cinîyan dest bi çalakîya grevê vêşanîye ya bi 10 rojan kerde.

 

Sebahate bi nameyê tepişteyan ê ke dest bi grevî kerd, no mesaj pare kerd: ‘‘ Waştişê Leyla Guvene waştişê bi mîlyonan kurdan û dostanê înan o. Mucadeleyo ke ma seba şaranê welatê ma, demokrasî, azadîye û aştîya birûmete danê, seba nê mucadeleyî azadîya Birêz Ocalanî bertengêko tarîxî yo. Ganî tecrîd ca de bêro wedartene. Nê bingeyî de ma 15 embazan Zîndanê Kandira de dest bi grevê vêşanîye yê bi 10 rojan ê biagêrayîş û bêdemî  kerd. Ma veng danê heme şarê kurdî û pêroyê hetanê demokratan wa paştî bidê na çalakîye û mucadeleyê azadîye xurt bikerî.‘‘