STENBOL - Avûkat Eren Keskîne dîyar kerde ke dimayê derbeyê leşkerî yê 12ê Êlule dima netîceyê tedayê hepisxaneyê Amedî de ameyî kerdene de, xoverdayîş ameyî cuyayîş û wina va: "Serrê 1980î de Sakîne Cansize bîya nimûneya xoverdayîşî vera tedayê serê cinîyan de. Ewro zî teda dewam kenê. O wext Sakîne Cansiz sembolê xoverdayîşê cinîyan bî. Ewro zî grevê Leyla Guvene yo."

 

Pawitoxa Heqê Merdiman avûkat Eren Keskîne derheqê grevê vêşanî yê Leyla Guvene de kewt roja 23in şîrove kerde. Erene dîyar kerde ke grevê vêşanî yê Leyla Guvene ke hepisxaneyê Tîpê E yê Amedî de tepişnayîya, hetê pawitoxê heqê merdiman de çalakîyêke girîng a.

 

Erene qiseykerdişê xo wina dewam kerde: "La reyan yenê na sewîya ke sere çalakîyê wina yenê dayîş. No semed ra na çalakîyêke girîng a. Tecrîdê serê Ocalanî tena serê kesêke de nîyo. No eynî wextî de çareserîyê problemê Kurdan de kaos awan keno."

 

'Hepisxaneyê Îmralî bi hawayêke teberê qanûnî yeno îdarekerdiş' 

 

Erene îhlalkerdişê serê Abdullah Ocalanî zî şîrove kerde û va: "Ganî Ocalan bieşko bi keyeyê xo dir pêvînayîş bikero. Heqê pêvînayîşî bi avûkatan dir esto. Hetê qanûnî no yo. Nika çîyê ke vera Ocalan yenê kerdene teberê qanûnî yê. Leyla Guvene zî vera nê kewta grev. Hepisxaneyê Îmraliyî roja ewil ra bi hawayêke teberê qanûnî yeno îdarekerdiş."

 

'Hepisxaneyê Amedî merkezê teda û xoverdayîşî yo'

 

Erene arde ziwan ke Hepisxaneyê Amedî merkezê teda û xoverdayîşî yo û wina va: "Ma caardişê Esat Oktay yê dimayê derbeyê 12ê Êlule ke ca ardê biewnê. Îşkenceyê wehşetî estbî. No semed ra kesan bedenê xo da verê merdişî. 4 kes netîceyê rojeyê merdişî de cuya xo vindî kerdî. Hepisxaneyê Amedî sembol o. Serrê 1980î de Sakîne Cansize bîya nimûneyê xoverdayîşê vera tedayê serê cinîyan. Ewro zî teda dewam kenê. O wext Sakîne Cansize sembolê xoverdayîşê cinîyan bî. Ewro zî grevê Leyla Guvene ya."