AMED - Pispora Rojhelato Mîyanên Nuştox Hamîde Yîgîte dîyar kerde ke kapîtalîstî seba krîzê  hegomon derbaz bikerê verê xo dayê Rojhelato Mîyanên û bi taybet zî Sûrîye û vera nê krîzî sîyaseto tewr baş Kurdan aver berdo.

 

Pispora Rojhelato Mîyanên Hamîde Yîgîte dîyar kerde ke kapîtalîzm Sûrîye de vindî  kerdo û yê ke ser kewtê zî Kurd ê û şarê ke xo ver danê yê.

 

Hamîdeye dewam de arde ziwan ke kapîtalîzm seba kaosan ameyo awankerdiş û wina va: "Îqtîdar î seba bîyayîşê înan bêro dewam kerdene, sîyaseto ke kanperest bi ca ardê. No semed ra zî şarê ke mîyanê kapîtalîzm de nêeşkenê boye xo bidê, verê xo dayî kîşte ke bîn la reyna sîstemê kapîtalîst ber akerd. No zî Îslamo Radîkal bi. Sîstemê kapîtalîst de hegemonêke, di global estbi. Ewro kapîtalîzm krîzêke pîl cuyeno. Mabêne di hetan de hetêke Çîn û Rûsya, hetêke zî NATO, mabêne di hêzê global de krîzê hegemon yeno cuyayîş. Seba no krîz bêro çareserkerdiş kapîtalîstan verê xo da Rojhelato Mîyanên. Rojhelato Mîyanên problemê bingehîn estê. Înan ra zî yew ferasetê tekfîr o. No feraset ameyo rewşa problemo sereyîn."

 

'Sûrîye de sîyaseto tewr baş Kurdan aver berd'

 

Hamîdeye da zanayîş ke krîzo Sûrîye de ame cuyayîş de sîyaseto tewr baş Kurdan aver berdo û wina va: "Tevgerê azadîya Kurdan destpêkê nê krîzî de pozîsyonêke wina de bi; eşkeno mudaxaleyek empertalîst virazyo. Verê nê de krîzê rejîmî zî esto. Coka pozîsyonêke ne vara ne zî kîşte de bi. Nê pozîsyonî de tevgerê Azadiya Kurdan çîyêke girîng awan kerd. Hêzê xo yê çekdarî yanî yewîya pawitişê şarî awan kerd. Yê ke şer de bi serkewte bî Kurd î bî. Cinîyê Kurd, Ereb, Durzî çekê xo girewtî û nê ca vurnayî cayê ke bîn. Ramojnayî ke na cografya êdî cografêke bikewa destê emperyalîstan nîya û goreyê înan form bigîra. Sîstemê Rojawanî ke yeno meşnayene zî modelêke demokratîk o. No sîstem Rojhelato Mîyanên rê modelêke awan kerd."