ŞIRNEX - Hepisxaneyê Tîpê T yê Şirnexî de îhlalkerdişê heqan her ke şinê zêde benê. Merdimê hepsîyêke Rabîa Îzere dîyar kerde ke wexto ke şîyê pêvînayîşê akerde, morê ‘Hepisxaneyê Tîpê T yê Şirnexî T.C' dayê serê milê înan ro.

 

Hepsîyê ke seba pêvînayîşê akerde şî hepisxaneyê Tîpa T yê Şirnexî bi îdîayê ‘hacetê kontrolkerdişê çiman xirayo' moro bi namayê ‘Hepisxaneyê Tîpê T yê Şirnexî T.C’ dayê milê înan ro.

 

Rabîa Îzera şî pêvînayîşê birayê xo Abdurrahman Îzer, dîyar kerde ke hepsî şertê giran de cuya xo dewam kenê û wina va: "Pêvînayîşan de masan kanê mabêne ma. Ma bi zor înan dir qisey kenê. Pêvînayîşê akerde zî ma yew bi yew înan dir qisey kenê. Zaf zêde teda estê. Her ke şinê zêde benê. Hepsî nêeşkenê xo bişoy. Awa germ nêdanê înan. Rewşa înan qet baş nîyo. Xover danê."

 

'Mor dayî destê ma ro'

 

Rabîaye dewamê qiseykerdişê xo de wina va: "Verê di cayan kontrol kerdêne û girewtêne zere. Nika seba ‘kontrolkerdişê çiman xirabeyo’ mor danê destê ma ro. Xora ma nêeşkenê bi hepsîyan dir qisey bikerê. No bi ma yeno kerdiş gelo hepsîyan rê çi yeno kerdiş. Keyeyan bi aşman hepsîyan ra zanayîş nêgirewtî. Hepsîyê ke cezaya hucre înan rê birnayê zî keyeyan nêgînê zerre. Ganî her kes vera hepisxaneyan hîsgêr tê bigeyrê."

 

Cinîya bi nameyê N. ya ke şî pêvînayîşê birayê xo zî wina va: "Ma şî pêvînayîşê akerde. Verê ma de masa estbî. Salone de zî kursî estbî. Mi zî kursî wedarna û mi waşt şîrê verê birayê xo. La hema gardiyan ame û va qedexe yo. Yanî keyeyan merdimê xo nêkerdî xo verike."