WAN - Wendekarê YYU yê problemê vurnayîşî cuyenê, caardişê qayûmî tayînê şaredarîya Bajarê Gird ya Wanî bîyo tewr zêde mexdûr bî.

 

Wendekarê Unîversîteya Yuzuncu Yil ê Wanî (YYU) bi serran o problemê vurnayîşî cuyenê û şîyayîşê wendegehî de probleman cuyenê. Dekewtişê kampusî de seba ke nêweşxane esto, wesayît hema pirr benê û wendekarî mexdur benê. Heta nika problem nêameyo çareserkerdiş û dimayê qayûm problem tewr giran bi.

 

Wendekar Ferrahnur Erva wina va: "Verê ke qayûm bêro, kampusê Zeve de wesayît bê pere bî. Nika ma seba her ca pere danê. Verê nêde heta merkezê bajarî wesayît pirr benê. Ma bi tacîzan dir yenê rî bi rî."

 

'Wa xêtê otobusan yewbînan ra bivisyê'

 

Ferrahnure dewamê qiseykerdişê xo de da zanayîş ke ganî seba welatiyê yenê nêweşxane cîya, seba wendekaran cîya xet bibê û wina va: "Otubusî zêdegirewtişê raywanan, wendekaran berpirsîyar vînenê. Seba ceza înan rê nêro birnayîş wendekarî verê ke biresê Mudirîyetê Trafîkê Mintiqa peya kenê. Ma mecbur manenê ke di rey pere bidê."