Melîke Aydin

 

AFYON - Welatîyan dîyar kerdî ke Santralê Termîkî yê Ulukoy ke yeno plankerdiş bêro viraştiş, do heme ganeyan ê derûdorî biqedêno û verê nê de çimeyê çemê Menderesî ke hezar serrî yo zî ziwa bikero. 

 

Hetê Kuzu Holdîng û Enerjiyê Elektîrîk û Madenî yê KLK A.Ş ra yeno plankerdiş ke dewa Seyîtlerê Dînarî yê Afyonî Santralê Termîkî yê Ulukoy bêro viraştiş. ÇEDî zî no qerar qebûl kerd. Demêke nêzdî de do înşatê santralî bêro destpêkerdiş û Deşta Dombayî de do 2 hezar bîr bêrê akerdiş û no zî nika de beno sebebê kêmbîyayîşê awa Çemê Menderesî. 

 

Dewijan dîyar kenê ke nika awa înan qîmê înan nêkena û hêneyê ke heywanê xo awe dayne zî ziwa bîyê. Komirê ci bi metodê tunelî yeno bidestkerdiş, seba 3 santralê termîkî yenê awankerdiş, do roje ra 980 ton bêro antiş.

 

Goreyê cigêrayîşê ke ameyê kerdene, lêşinîyê hewa yê santralê termîk awan kerdê, tesîrê serê 100 kîlometreyî keno. Do santral tesîrêke negatîf serê ganeyan bikero.