MERKEZÊ XEBERAN - Goreyê Raporê Cînayetê Dinya ê Neteweyê Yewbîyaye (NY), her roj pêroyîye dinya de 137 cinî yenê kiştiş. Goreyê raporî temamê dinya de tewr zêde cinî keyeyê xo de yenê kiştiş.

 

Neteweyê Yewbîyaye (NY), bi munasebetê 25ê Teşrîna Peyêne û Têkoşînê Mîyanneteweyî yê vera Şîdetê Ser ê Cinîyan “Raporê Cînayetê Dinya " weşêna. Goreyê raporî her roje temamê dinya de 137 cinî yenê kiştiş û xeylê nê cinîyan hetê mêrde, ya zî hetê merdimanê xo ra yenê kiştiş.

 

Rapor de wina ame vatiş: "Serra 2017an de 87 hezar cinî bi zanebîyayîş ameyî kiştiş û mîyanê nê cinîyan de 30 hezar cinî hetê mêrde ya zî merdimanê xo ra ameyî kiştiş." Raporê NY de ame dîyarkerdiş ke tewr zêde cinî keyeyê xo de ameyî kiştiş.

 

Pisporê ke rapor amade kerdî, dayî zanayîş ke heme cinî netîceyê hêrişê bi zanebîyayîş de ameyê kiştiş. Reyna goreyê dayeyê fermî yê îstatîstîkê ofîsê Eurostatî ê serra 2016an ê Yewîya Ewropa, welato ke tewr zêde cinî yenê kiştiş Malta yo. No welatî de zafê cinîyan şîdet ra ganê xo vindî kerdî.

 

Dimayê pêameyîşê Stenbolî yê serra 2012an de ame îmzakerdiş, Tirkîya de muracatê cinîyan ke rastê şîdetî yenê tewr zêde bîyê û no zî bi hawayêke bi sîstem dewam keno.