Safiye Alagaş

 

AMED - Komelnas Halîde Turkoglu, seba şîdetê camêrdan bi destê DAIŞî Rojhelatê Mîyanên newe ra ameyo formkerdiş teşîr kerde rastê serrêke û 3 aşmî cezaya hepsî amî.

 

Komalnas Halîde Turkoglu seba ke çapemenîyê komelî Twîtter û Facebook de şîdetê camêrdan ê Rojhelato Mîyanên newe ra ameyo formkerdiş teşîr kerde, rastê serrêke û hîrê aşmî cezaya hepisxane amî. Muhakemekerdiş 10in Dadgeha Cezaya Giran ya Amedî de ame kerdiş de qerar ame dayîş ke Halîdeye ‘propagandayê rêxistine’ kerda.

 

Fotografo ke Halîdeye serê çapemenîya komelî de pare kerda, fotografê cinîyêke YPJî esta û a cinî bi sîlehê destê xo ser tabelayêke ser çarşefa sîya esta, dana pêro. No fotograf sîteyê Newaya Jin de amebi weşanayîş, pare kerd. Dozgerîya Komara ya Amedî zî barê Halîdeye de Adara 2018an de cigêrayîş dayî destpêkerdiş.

 

Îdianameyo ke dozgerî amade kerd de ame îdiakerdiş ke no fotograf aîdê ajansê ma Jin Newsî yo. Ame îdiakerdiş ke bi nê propagandayê PKK/KCKî ameyo kerdene.

 

Halîdeye muhakemekerdiş de pawitişê xo kerde û va parekerdişê babeta vatişî yê aye kerdê la parekerdişê aye amancê propagandayê rêxistine nêhewênenê. Heyetê dadgehe derheqê Halîdeye de sucê ‘propagandayê rêxistine kerda’ serrêke û hîrê aşmî ceza birnayî û dima ra ceza taloq kerd.

 

Avûkatê Halîdeye, Mehdî Ozdemîrî pawitiş kerd û dîyar kerde ke parekerdişê muvekîlê aye de şîdet çin o û ganî muvekîlê aye bêra beratkerdiş.