MERKEZÊ XEBERAN - Operasyonê ewroyî de reyna xeylî bajaran de sereştişê keyeyan de bi desan kesî ameyî tepiştiş.

 

Çarçiweya operasyonanê qirkerdişê sîyasîyî de Stenbol, Meletî û Riha de tewr tay 55 kesî ameyî tepiştiş.

 

Stenbol de tewr tay 20 kesî ameyî tepiştiş

 

Sereştişê polîsan ê 10 qezayanê Stenbolî de tewr tay 20 kesî ameyî tepiştiş. Sebebê eştişê keyeyan ser nêame zanayîş û kesê ke tepişnayî berdî Mudirîyê Polîsan ê Stenbolî yê Kuçeyê Vatanî. 

 

Meletî de zî sereştişê polîsan de îdarekarê HDP, DBP û ÎHDyî yê Meletî zî tede 7 kesî ameyî binçimkerdene. Sereştişê polîsan de berê keyeyan ameyî şiktene û dest nîya  malzemeyê teknîkî yê hemwelatijan ser a.

 

Yê ke ameyî tepiştiş nameyê înan wina yê: Hemsereko verên ê HDPyî Ozcan Agdaş, hemsereka DBPyî Nermîn Tuncele, hemsereka ÎHDyî yê Meletî Gonul Ozturke, hemserekê HDPyî yê qezaya Batalgazî Ahmet Aksu, hemserekê HDPyî yê qezaya Yeşîlyurtî  Azîz Dogan, endamê partî Hasan Karvar û Ahmet Turan Sertkaya.

 

Riha de zî 28 kesî ameyî tepiştiş

 

Riha de zî vizêr çarçîwaya operasyonanê qirkerdişê sîyasîyî de Veysel Erdem, Muharrem Erbek, Vahît Akgun, Halît Durdu, Berîvan Canpolate, Mustafa Altindag, Mehmet Tamamboga, Halîl Uluk, Abdullah Guven, Ishak Gunduz, Ferhat Unus û Salîh Erbekler ameyî tepiştiş.