WAN - Dermankar Kader Balike dîyar kerde ke dermanê ke merdim pê kîlo gêno Îran ra yenê, weşîya merdiman tehdîd keno û wina va: "No dermanî megîrê, meverdê kes bigîro. Werdê lazimî ke şima pê estê şima bigîrê hîn baş o."

 

Cinî hetêke ra hewl danê kîlo bidê û hîn zî hewl danê kîlo bigîrê. Cinî seba nê metodê cîya xebitnenê û zaf ê cinî seba dermanê şaş xebitnenê, hîn nêweşîyan konê. Bi taybet dermanê ke Îran ra yenê rotiş. Dermankar Kader Balike dîyar kerde ke eleqeyêke pîl vera dermanî yeno ramojnayîş û va no derman zirarêke pîl dano weşîye merdiman.

 

'Weşîya merdiman tehdîd keno'

 

Kadere da zanayîş ke no derman seba ke erjan o tewr zêde beharatroşan de yenê rotiş û wina va: "No derman tehdîdêke pîl serê weşîya merdiman keno. Cinîyê ciwan wexto ke yenê dermanxane ma înan rê vernê de zirarê ke dermanê tebera yenê kenê. Dima ra ma dermanê ke kîlo danê girewtiş, pêşnîyar kenê. La cinî nê peygoş kenê û şinê dermanê Îran ra yenê gênê. Pêşnîyara mi a ya ke dermanê ke tebera yenê nêgîrê. Dermanê Îranî de kortîzon esto. Dermanê hewnî yo. Merdim bêsîstem vêşan benê. Sîstemê xopawitişî qels keno. Goşt este cîya keno. Bedenê merdimî de sîya vejîyenê meydan. Rayîr verbi xirabîyayîşê hormonî keno. Rîskê digane bibo, bebek keweno. Zirar dano hakê cinîyan. Tena beden maseno. Xora bi hawayêke psîkolojîk kesî xo bi kîlo vînenê."

 

Tena ro xo miqatebê'

 

Kadere tewr peyîn qiseykerdişê xo de seba kîlogirewtişî wina va: "Rûnê fistiqan, rûnê masan, dimsê keçîboynuzu û wexto ke merdim ro xo miqate bibo problem çareser beno. Dermanxane seba weşîye şarî abîyê û xebityenê. Seba nê dermanê ke tebera yenê nêgîrê. Ma wextê verê de nêcuyenê. Tena werdê lazimî pê estê mird kenê."