WAN - Feyîme Peyana ke şî muracatê lajê xo yê hepisxaneyê Tîpê L yê Patnosî wina va: "Hepsî bi caardişê cilê yew rengî dir rast ameyê. Werd bi awa tuwaletan yeno viraştiş, awa germe nêdanê înan. Vera reaksîyono zaf qij sey belxuro bi awa lêşin yeno viraştiş danê înan."

 

Hepisxaneyê Tîpê L yê Patnosî de îhlalkerdişê heqan peynî nêbenê. He roj bi îhlalkerdişê newe yeno rojeve û hepisxane seba hepsîyan bîyo sey îşkencexane. Rojê vîyarte de cinîya bi nameyê Fehîme Peyane şî serdayîşê lajê xo û dîyar kerde ke lajê aye zaf kîlo vindî kerdo, êdî nîno naskerdiş û wina va: "Hepsîyê ke vera ferzkerdişê cilê yewreng reaksîyon ramojnenê, rastê caardişê kêfî yenê. Hepsîyêke verê lajê mi de maneno ame verê  mi û caardişan qalî kerd. Va, 'werd bi awa lêşin yeno viraştiş, awa germine nêdanê înan û bi awa cemidnaye sereyê xo şonê."

 

Fehîmeye arde ziwan ke lajê aye bi 8 serrî yo hepisxane de yo û vera reaksîyonêke zaf qij sey cezaya werdî ke bi awa lêşin yeno viraştiş danê înan.

 

Hepsîyan vera caardişan vengdayîşê hîsgêrî raya pêroyî kerdî û keyeyan ra waştî ke bê reaksîyon nêmanê.