STENBOL - Resam Ayşe Kapusuze, formê dêsê rijyayeyan ser resiman xêz kena û açernena karekterêke newe. Ayşeye arde ziwan ke dês îlhamêke newe dano û wina va: "Ewnîyayîşê no dêsî û resimêke ke merdimî dano huyayîş, qîmê merdiman keno."

 

Ayşe Kapusuze ke wexto ke domane bî, dêsê keyeyî bi qeleme xêz kerdêne, lîseya Hunerê Weşik wanena û Fakulteya Hunerê Weşik ê  Mîmar Sînan qedênena. Ayşe dimayê unîversîta dewêke Gumuşlukî yê Bodrum de bi ca bena û xeylê beşdarê pêşangehê têmîyan bena. Ayşe bi pêroyî de portreyan xêz kena, 8 serrî yo dêsê rijnayîyan xêz kena.

 

'Dêsî îlham danê' 

 

Ayşe da zanayîş ke sebebê xêzkerdişê resiman ê serê dêsan û çi ra îlham gêna qalî kerde: "Dês çîyêk ramojneno merdiman. Uca de zemînêke amade esto. Îlham dano merdiman. Ez formê dêsî vînena û vana ‘ez eşkena çîyan ser zêde bikerî'. Mi wina dest bi xêzkerdişê resimê dêsan ser kerd."

 

Ayşe dewamê qiseykerdişê xo de dîyar kerde ke xeylê kes eynî çî serê tuval de viraznenê û aye zî bê vindertişê ekonomî sey hobî nê karî kena, seba ke ci ra kêf gêna, aye kêfweş bena. Ayşe xêzkerdişê resiman zî sey ramojnayîşê çîyê zerrîya xo şîrove kena.