WAN - Fîgen Erdeme 2017an de Stenbol de hetê camêrdo ke dest ci ra veradabi amî qetilkerdiş. Waya Fîgene, Zeynep Erdeme bale ante ser polîtîkayê bêcezabîyayîşî û reaksîyonê xo ard ziwan: "Heta ceza nêdê do hetê camêrdê kiştoxan ra qetilkerdişê cinîyan dewam bikero."

 

Stenbol de 2017an de cinîya bi nameyê Fîgen Erdeme hetê mêrdeyê xo û keyeyê mêrdeyê xo ra vernê de amî îşkencekerdiş û dima ra zî kuçe de amî qetilkerdiş. Serê hedîse ra serrêke derbaz bi. Seba mêrdeyo ke Fîgene qetil kerd 13 serrî ceza ame dayîş. Waya Fîgene, Zeynep Erdeme îşkenceyo ke waya aye rê ame kerdiş wina va: "Serê bedenê Fîgene de cixara ameybî tefênayîş. Utî bi bedenê aye de ameybî ronayîş. Bi zor alkol dayê, nenûgê aye wedarnayê, dindanê aye antê û dima ra qetilkerdê, eştê kuçe."

 

Zeynebe arde ziwan ke ê do taqîbkerdoxê dewa bibê û wina va: "13 serrî nê ganî muebetê giran kiştoxî rê biameyne birnayîş. Bi polîtîkayê bêcezabîyayîşê camêrdoxê kiştoxî yenê pawitiş û heta nê camêrdî kuçeyan de bê do kiştişê cinîyan zî zêde bê. No kes 13 serrî hepisxane de bimano do reyna serbest bêro veradayîş û reyna cinîyan qetil bikero. Qerarê wina hetê camêrdan ra sey nimûne yenê girewtiş."