ŞIRNEX - Cizîr de seba 9 taxan qerarê ‘warê bi rîsk’ ame dayene. Seba nê muracatê heme rayîrê huqûqî ame dayîş û dimayê nê qerar bidê Dadgeha Destûrê Bingehîn. Avûkatan serê nameyê keyeyî muracat kerdî û sebebê ke çira ganî qerar  Parêzeran betal bibo, waştişname de bi sebeban qalî kerdî.

 

Heyetê Wezîran 1ê Hezîrana 2016an de qezaya Şirnexî Cizîr de taxê Cudî, Kuştepe, Sûr, Berê Koyî, Kale, Şah, Yafes, Alîbey û Nur 483.13 hektar war sey waro bi rîsk îlan kerd. Nê ser TMMOB, şaredarî û 14 keyeyî bi hemkarîya avûkatan xo seba vindertişê qerarî muracatê 14in Daîreyê Daniştayî dayî. Dima ra qayûmî tayînê şaredarî bî îtîraz peyser ame girewtiş û îtîrazê 14 keyeyan hetê 14in Daîreyê Daniştayî ra qerarê ci ame dayene. Daniştayî îtîraz red kerd, qerarê heyetê Wezîran huqûqî vîna. Dimayê nê avûkatan muracatê Dadgeha Destûrê Bingehîn (DDB) dayî. 

 

Muracatê temyîzî zî ame redkerdiş

 

Daniştayî, dîyar kerd ke wextê qedexeyî de 14 hezar û 183 awanî zirar dî, 2 hezar û 564 giran zirar dîyê û 145 zî bi pêroyî rijyayî û qerar red kerdî. Dimayê nê qerarê muracatî temyîzî Heyetê Daîreyê Dewata Îdarîyê Daniştayî ame kerdiş û no zî dimayê semedê ame redkerdiş.