AMED - Cinîyan seba çalakîya rayşîyayîşê meşaleyî ke do siba bikerê veng dayî û vatî: Ma do nêbê cinîyê ke ê wazenê. Ma do bibê cinîyê xoverdayox ke bi xoverdayîş weşik benê. Ganî her kes heme warê cuye, cinîyan vera şîdetî bi rêxistin bikerê."

 

Amed de çarçeweya çalakîyê 25ê Teşrîna Peyêne de siba kuçeyê Balikçilar ê Sûrî ra heta Ofîs ê Yenîşehirî do cinî rayşîyayîşê meşale bikerê. Seba rayşîyayîşê ke do rayberîya Platformê Dîcle Amedî yê Cinîyan (DAKAP) de bêro organîzekerdiş vengdayîşê beşdarbîyayîşî ame kerdene.

 

Îdarekara Bajarê Amedî ya Partîya Demokratîke ya Şaran (HDP) Suzan Îşbîlene ke derheqê babete de qisey kerde û va: "Tirkîya de şîdeto ke cinîyan rê yeno kerdene her ke şino zêde beno. Sebebê nê zî bîyayîşê cinî ê hetê komelî yo. Cinîyan her ca de vera şîdetî nêrazîbîyayîşê xo ardê ziwan. La AKPî serra 2002yan de cinî seba xo kerdê hedef û bi îzahatê ke dayê hedef ameyê ramojnayîş. Camêrdî wazenê bi şîdetê cinîyan hêzê xo ramojnê la ma do destûr nêdê. Ma do nêbê cinîyê ke ê wazenê. Ma do bibê cinîyê xoverdayox ke bi xoverdayîşê xo weşik benê."

 

'Ganî her cinî cinîya kîşte xo birêxistin bikera'

 

Aktîvîsta TJAyî Rûken Akçaye zî wina va: "Ganî ke bizanê ma do nêrê bêvengkerdiş. Her cinîyêke ganî keyeyê xo de, kuçe û her ca de cinîya kîşte xo  birêxistin bikera û beşdarê çalakîya 25ê Teşrîna Peyêne bibê."