WAN - Yew cinîyê ke sebze û fêkîyê hêgeyan de kom kena û dikanê akerde de roşena, Hacer Umîte da zanayîş ke berardişê keda destê xo ê roşenê.

 

5 cinîyê ke Edene û Mersîn de hêgeyan de xebityenê, fêkî û sebzeyê ê cayan kom kenê, anê Wan û roşenê. Cinîyê Kuçeyê Maraşî ê Artemîtê Wanî dikanê Vîtamîn Manaw akerdê, sebze û fêkîyê bi kedêke pîl kom kerdê uca roşenê û debara xo pê kenê.

 

'Eleqeyêke pîl vîneno'

 

Cinîya bi nameyê Hacer Umîte wina va: "Ma karê mehsulan ra hes kenê. Ma bajar zî manaw de xebityenê. Pêwa ke karê ma zaf zehmet o zî ma seba ke têhet de yê kêfweş ê. Ma sebzeyanê xo refan de bi ca kenê. Seba ke cinî manaw de xebityenê, rastê eleqeyê şarî yenê. Eleqeyêke pîl ma rê yeno mojnarayîş."

 

'Seba krîzî problem yenê cuyayîş'

 

Hacere bale ante ser krîzê ekonomî û wina va: "Verê krîzî karê ma baş bi. La nika fêkîyê ke Edene û Mersîn ra yenê kêm bîyê. Heqdestê ma zî demêke nêame dayîş. No het ra zî ma problem dî. Bi welatîyan dir pere çin o."

 

Cinîya bi nameyê Leyla Sancare zî kêfweşîya xo ya xebata manawî arde ziwan û wina va: "Ma sey cinî heqdestê keda xo bi hawayêke pak pêşkêşê şarî kenê. Muşterîyê ma zî bi karê ma rê bawer ê. Ma zî zaf girîngî danê karê xo."