AMED - Parlamentera HDPyî Salîha Aydenîze dîyar kerde ke do weçînayîşê herêmî yê 31ê adara 2019î de raşteyê ke temsîlîya seyyewbînanî pê nêameyî de kêmanîyan çareser bikerî û va: “Projeyê ke tede cinî çin î yenî hesibnayîş virazîyenî. Ma do heme raşteyan de kêmanîyan çareser bikerî û têkoşînê xo bidomnî.”

 

Seke yeno zanayene do 31ê adara 2019î Tirkîye de weçînayîşê herêmî bêrî viraştiş û pêroyê partîyan lez dayî xebatanê xo. Tewr zêde herêmê ke qayûm tayînê şaredarîyan ameyî kerdiş de xebat zêde yenî kerdiş. Parlamentera Partîya Demokratîke ya Şaran (HDP) Salîha Aydenîze derheqê tesîrê sîstemê hemserekî ke komelî ser de virazeno ser o qisey kerde û Tirkîya sey zindanê akerde biname kerde.

 

Parlamentera HDPyî ya Amedî Salîha Aydenîze destpêkê qiseykerdişê xo de wina va: “Sîstemê Hemserekî heme raşteyan de temsîlîya seyyewbînanî hedef gêno. Ma do weçînayîşê 31ê adara 2019î de raşteyê ke temsîlîya seyyewbînanî pê nêameyî de kêmanîyan çareser bikerî. Projeyê ke tede cinî çin yenî hesibnayîş virazîyenî. Ma do heme raşteyan de kêmanîyan çareser bikerî û têkoşînê xo bidomnî.”

 

Salîhaye dewamê qalîkerdişê xo de qala miyanê siyasetî de cayê cinîyan kerde û domnaye: “Vera partîya ma de hêrişê cidî û zêde virazîyenî. Raşteyo ke tewr zêde hêriş yeno kerdiş têkoşînê cinîyan o. Ma weçînayîşê kehenan de zî programê xebatan viraşbî. Kota ra bigêr heta temsîlîya seyyewbînan têkoşînê ma estbî. Nika prosesêko newe yê weçînayîşî dest pê kerdo. No proses de Tirkîye bîya sey zindanî akerda. Raşteyê demokrasî ra bigêr heta xeylê raşteyanê cîya cîyayan têkoşînê cinîyan çin yeno hesibnayîş. Qayûm tayînê şaredarîyanê Partîya Herêmê Demokratîkî (DBP) kerdî û qezencê cinîyan ameyî xespkerdiş. Îqtîdar hewl dano modelêko newe ke tede cinî çin î awan bikero.”

 

'No sîstem raşteyê têkoşînî yew o'

 

Salîhaye tewr peynî daye zanayene ke ê mîyanê siyasetî xeylê xebatê muhîm yê temsîlîya seyyewbînanî pê ardî û wina qedênaye: “No sîstem raşteyê têkoşînî yê dinya de yew o. Ma do weçînayîşê herêmî de heme raşteyan de temsîlîya seyyewbînanî awan bikerî. Ma do heme kêmanîyan çareser bikerî û têkoşîn bidî meşnayîş.”