Kevser Ozkaynak

 

STENBOL - Endama Torra Pawitişê Cinîyan ra Fulya Dagli, dîyar kerde ke ganî vera şîdetê camêrdan, pawitişê cewherî bêro kerdene û va vindertişê înan  25ê Teşrîna Peyêne de do heme hêrişan rê cewab bo.

 

Endama Torra Pawitişê Cinîyan û zerrîwaştîya Cayê Mor, Fulya Dagliye derheqê 25ê Teşrîna Peyêne Roja Têkoşînê Vera Şîdetî yê Serê Cinîyan de şîrove kerde û metodê têkoşînê cinîyan qalî kerde.

 

Fulyaye qiseykerdişê xo de vernê de tedayê camêrd-dewlete yê serê cinîyan şîrove kerde û va na nûkta de 25ê teşrîna peyêne zaf girîng o û ê bi îqtîdarîyêke dişminî cinîyan dir rî bi rî yê.

 

'Hêzê hêrişî cinîyan da vindernayîş'

 

Fulyaye da zanayîş ke yê hêrişê îqtîdarî bidê vindernayîş cinî yê. Fulyaye wina dewam kerde: "Ma serra peyîn de bi weçînayîşan dir bi vurnayîşê rejîmî dir ameyî rî bi rî. Muhteweya raporê komîsyonê destveradayîşî, komxebatê seba wedartişê nefeqî, qanûnê hûmara 6284 ê cinîyan şîdet paweno, binê hêrişê vatişî de yo. Binê nê şertan de krîzê ekonomî de şîdetê serê cinîyan tewr zêde beno. Tena camêrdê ke cuya înan de yê nêy, hetê patronana ra, hetê dewlete ra zî şîdet yeno kerdene. Rejîmo faşîst ê bîyaye bi kodê xo yê xoser keweno mîyanê warê ma yê taybet. Wazenê bi nê hêrişan ma tena verdê."

 

'Ma do 25ê Teşrîna Verêne de cewabo lazim bidê'

 

Fulyaye tewr peyîn qiseykerdişê xo de arde ziwan ke bawerîya aye esta ke do 25ê Teşrîna Verêne de têhet bê û do bi hawayêke xurt derbaz bibo. Fulya qiseykerdişê xo wina qedêna: "Vindertişê cinîyan ê 25ê Teşrîna Peyêne de do heme hêrişan rê cewab bo.