Dîlan Babat

 

ENQERE - Pawitişê Cinîyan ê serra vîyarte de bi cinîyan dir ame averşîyayîş, emsar reyna bi nê nameyî 25ê Teşrîna Verêne do waran de bê. Buse Uçera ke pawitişî dîyar kerde ke veng danê heme cinîyan torrê xo awan bikerê, pawitişê xo bikerê û beşdarê warê 25ê Teşrîna Peyêne bibê.

 

Buse Uçere Pawitişê Cinîyan de ca gêna arde ziwan ke serrêke verê şîyê sazbîyayîşêke wina û fikrê Pawitişê Cinî hamnanê vîyarte de bi cinîyê ke pîya şîyê kampe virazyayo û wina va: "Dimayê kampe qeraran de vejîya meydan ke şinê bajaranê xo ganî torrê pawitişî awan bikerê. Xora ma pawitişê femînîst munaqeşe kerd. Çîyê ke ma qalî kenê tena pawitişê fîzîkî nîyo. Bi çalakîyan ma qadê pawitişî xo aver berd.

 

'Cayo hempar ê Cinîyan Mor Mekan'

 

Buseye dîyar kerde ke bi vatişê ‘cinî cinîyan pawena' vejîyayê rayîr û hewl dayê ke tevgerê pawitişê cewherî yê femînîst her ca de bidê eşnawitiş û va reya yewin Kadikoyê Stenbolî de bi cinîyê femînîstan dir Mor Mekan akerdê.

 

Buseye tewr peyîn qiseykerdişê xo de da zanayîş ke bi atolyeyê ke kerdê bale ancenê ser zayendê komelî, zîhnîyetê camêrdan, şîdetê flortî. Buseye eynî wextî de da zanayîş ke bi sloganê ‘Ma bê pawitiş nîyê' 25ê Teşrîna Peyêne pêşwazî kenê.

 

Bernamayê 25ê Teşrîna Peyêne yê Pawitişê Cinîyan ê Enqereyî:

 

*22ê Teşrîna Peyêne roja paşeme de panelê serê nameyê ‘şîdet û heqê ma' yeno kerdene.

 

*23ê Teşrîna Peyêne roja îne de do Atolya Zayendê Komelî viraznê.

 

*24ê Teşrîna Peyêne de Atolya Hîkayeyan bêra kerdene.

 

* 25ê Teşrîna Peyêne bi vengdayîşê Platformî Cinîyê Enqereyî kuçeyê Sakarya de bêrê têhet.