Melîke Aydin

 

MANÎSA - Cinîya bi nameyê Zuhal Guneş û Şadiye Uysale Meclîsê Cinîyan yê Manîsa ra seba keyatî xo nîşan dayî. Wirdî namzedî zî hedef kenê ke fehmê cinîyan bibedilnî. Zuhal û Şadiyeye dayî zanayene ke seba ke hemwelatîyê taxe tewrê îdare bibî ê meclîsê xo awan kerdî û ê wazenî vengê cinîyan bidî eşnawitiş.

 

Partîyê sîyasî seba weçînayîşê herêmî xebatanê xo yê weçînayîşî dayî destpêkerdene. Na çarçewe de namzedî seba keyatî dest bi muracatan kerdî. Meclîsê Cinîyan yê Manîsa zî seba weçînayîşê herêmî yê 31ê Adara 2019î xebatan meşneno û taxanê Şehîtler, Yarhasanlar, Aynî Alî, Yenîmahalle, Hafsa Sultan, Lalelî û Uncubozkoyî de namzedanê keyatî yê cinî dîyar kerd. Cinîya bi nameyê Zuhal Guneş û Şadiye Uysale zî Meclîsê Cinîyan yê Manîsa ra seba keyatî xo nîşan dayî. Zuhal û Şadiyeye dayî zanayene ke seba ke hemwelatîyê taxe tewrê îdare bibî ê meclîsê xo awan kerdî û wazenî vengê cinîyan bidî eşnawitiş.

 

'Ma do taxe bi meclîsan îdare bikerê'

 

Namzeda keyatî ya taxa Hafza Sultanî ya qezaya Yunus Emre  Zuhal Guneşe dîyar kerde ke ê taxan de xebata newekerdişî bidî destpêkerdiş û wina va: “Ma hedef kenî ke taxan de kooperatîfê cinîyan awan bikerî. Ma hewl danê ke bi meclîsan taxan îdare bikerî. Ma wazenê ke qanûnê hûmara 6284î heme cinîyan rê akerdo bo. Ma do seba newekerdişê taxan bixebetî.”

 

Zulale dewamê qiseykerdişê xo de arde ziwan ke seba ke raşteyê keskgehî zêde bibî ê do xebatan bikerî û wina qedênaye: “Ma do raşteyê keskgehî yê roniştişî û kayîkerdîşê domanan zêde bikerî. ez ber bi ber gêrena û anket virazena. Ma do xebatan bikerî. Mîyanê projeyanê ma de qursê hamnanî yê domanan, kitabxane û sînemaya hamnanî estî. Keyatî sey şaredarî nîya. Ma do têkoşîn bikerî.”

 

'Seba biba keyeya her kesî namzed a'

 

Namzeda taxa Şehîtlerî Şadiye Uysale zî wina va: “Ma wazenê vengê cinîyê ke şîdet vînenî û keye de yenî hepskerdiş bidî eşnawitiş. Ma wazenê seba cinîyan bibî çareserî. Ez yurd de pîl bîya. 18 serrîya xo de zewecîyaya. Mi waştêne ke ez biba hemşîre. La mi nêwend. Ez wazena seba cinî û domanan çîyêk bikera. Taxa mi de çina kêmî bibo, ez do bikera.”