ŞIRNEX - Wezîfedarê pakî S.B. yo ke Wendegehê Mîyanên ê Cumhurîyetî yê Sîlopî vera domane hêrişê zayendî kerdib û pêwa qeydê kamera û gerrekerdişê keyeyî, ame veradayîş. Keyeyan dîyar kerd ke verê eynî wendegehî îstîsmaro zayendî ameyo cuyayîş la tu kar û barê huqûqî nêameyo kerdene.

 

Sîlopîyê Şirnexî de vejîya meydan ke wendegehê Mîyanên ê Cumhurîyetî xebatkarê pakî camêrdo bi nameyê S.B, wendegehêke de domanêke rê hêrişê zayendî kerdo. Dimayê ke domane îstîsmarî zayendî qalî kerd, keyeyî gerre kerd. S.B yo ke ame tepiştiş, dimayê îfade serbest ame veradayîş. S.B îfadeyê xo de îdia kerd ke mamosteyê perwerdeyê bedenî ey ra vato ‘domanan dir eleqeder bibe’ û îstîsmar înkar kerd. La vejîya meydan ke S.B yî domane heta keye berdo.

 

Emnîyet de wexto ke îfadeyê S.B ame girewtiş, qeydê kamera zî pê dayî temaşekerdiş û ame vînayîş ke îstîsmaro zayendî domanê rê kerdo û berdo bodrum. La pêwa qeydê kamera û gerrekerdişê keyeyî S.B ame veradayîş.

 

Keyeyan dîyar kerd ke verê zî wendegeh de îstîsmaro zayendî ameyo cuyayîş û hema zî gumanbar wendegeh de xebityenê û seba nobedar û qorîcî yenê veradayîş. Keyeyan fikarê xo ard ziwan û vatî ganî kar û barê huqûqî bêro destpêkerdiş.