COLEMÊRG - Çalakîya grevê vêşanî ke Colemêrg de bi rayberîya HDPî ameya destpêkerdene hetê şar û sazgehê sivîl ra eleqeyêke pîl vînena û çalakî bi serdayîşê şar û rêxistinê qezayan dewam kena.

 

Parlementera Partîya Demokratîke ya Şaran (HDP) û Hemsereka Kongeraya Komelê Demokratîke (KCD) Leyla Guvene seba ke bale bianca tecrîdê serê Rayberê PKKî Abdullah Ocalanî dest bi grevê vêşanî kerde. Grevê vêşanîye roja xo ya 11in de dewam kena.

 

Grevê vêşanî bi rayberîyê HDPî 5 bajaran de ame destpêkerdiş. Colemêrg de bi beşdarbîyayîşê Parlementeranê HDPî  Nuran Îmîr û Saîd Dede grev ame destpêkerdene, ewro zî bi serdayîşê welatîyan rêxistinê HDP, DBPî yê qezayan û Meclîsê Dayîkê Aşitîye Gever de çalakî dewam kena.

 

Serdayîşan de dewamê têkoşînî ard vîrkerdiş.

 

Amed 

 

Amed de zî çalakîya ke bi komêke 16 kesî ra ameyne meydan ame destpêkerdiş û bi serdayîşê welatîyan serê siba ra dewam keno. Serdayîşê rêxistinê DBPî yê merkez û qezayan de grev ewro zî dewam kerd û rêxistinê HDPî yê Şirnexî û hemparê KESKî zî serdayîşê çalakwanê ke grevê vêşanî de yê kerdî.

 

Çalakî bi kilamê welatîyê ke ameyî serdayîş dewam kena.