AMED - Yew endamanê BKKPî ke çarçeweya xebatê yewîya neteweyî ê cinîyê Kurdan de ame awankerdene, karsaz Ferda Cemîloglu dîyar kerde ke pêwa heme zor û zehmetîyan xebatan dewam kenê û va bixobawerbîyayîşêke awan bîyo.

 

Amed de 23ê Kanûna 2017an de kombîyayîşê ‘Cinîyê Kurd proses munaqeşe kenê' ame meydan û dima ra cinîyan çarçeweya xebata yewîya netewî de Plaformê Yewîya Cinîyê Kurdan (BKKP) awan kerdî. Platform serê babetê ke nêkoyê têkilîyê bêtêduşt, ziwanêke zayendperest nêxebitnê ame awankerdiş. Endama platformî Ferda Cemîloglu dîyar kerde ke cinî pêwa heme zor û zehmetîyan munaqeşeyan meşnenê.

 

'Ganî ma her ca de rolo aktîf kay bikerê'

 

Ferdaye da zanayîş ke hîn endamê înan proseso peyîn de ameyê tepiştiş û va platformê serê cinîyan bixobawerbîyayîş awan kerdo û wina va: "Platfrom bi ameyîşê têhetbîyayîşê 7-8 cinîyan ame awankerdiş. No hemleyêke pîl bi. Xeylê embazê ma ameyî tepiştiş. Ma xeylê problem cuyay. La pêwa heme çî platform dewam kerd. Reyna ma yenê têhet û serê bîyayîşê Kurdistan, cuyê hempar, kar û sîyaset ser munaqeşeyan meşnenê. Verê nê de ma bixobawerbîyayîşê xo aver benê û ma xo her ca de aktîf kenê.

 

Ferdaye eynî wextî de dîyar kerde ke bi hawayêke hîra babeta Kurdan û cinîyan gênê dest û arde ziwan ke polîtîkayê aştîyane yê cinîyan estê û çarçeweya platformî de yenê têhet û munaqeşeyan meşnenê.

 

Ferdaye tewr peyîn qiseykerdişê xo de da zanayîş ke sîyasetê mintiqa nêzdî ra taqîb kenê û çarçeweya munaqeşeyan de zî xebatan meşnenê û va ê cinî pêl bi pêl pîl benê.