Ronîda Hacî 

 

HESEKÊ - Hemsereka bajarê Hesekî Civîn Remo dîyar kerde ke 25ê Teşrîna Peyêne Roja Piştdayîşî û Têkoşînê Mîyanneteweyî yê vera şîdetê serê cinîyan o û arde ziwan ke ê do sewîyeya têkoşînî tewr berz bikerê.

 

Hemsereka bajarê Hesekî Civîn Remo da zanayîş ke cinî bi îrade û fikrê xo yê azad eşkenê rayîr şîdetê camêrdan bigîrê û wina va: "25ê Teşrîna Peyêne roja Têkoşînê Vera Şîdetê serê Cinîyan ê Dinya ma veng danê heme cinîyê xoverdayoxan û vanê heme hêzê xo bikerê yew û şîdetê serê cinîyan ra vajê êdî bes o."

 

'Cinî xozaya xo de rayber ê'

 

Civîne dewamê qiseykerdişê xo de wina va: "Çiqas cinî hêzê xo nas bikera hende do bi tesîr biba û rolêke pîl awankerdişê komelî û bîngehêke zaf xurt projeyê Neteweyê Demokrat de bidê roniştiş. No semed ra zî heme hêriş bi taybetî serê cinîyan de yeno kerdene û bi nê yeno amanckerdiş ke îradeyê cinîyan bêro şiknayîş."

 

'Bi cinîya azad komelêke azad awan beno'

 

Civîne bale ante serê rolê cinîyan ya komelî û wina va: "Heta ke cinî azad nêbo merdim nêeşkeno qalê komelêke azad bikero. Seba ke bingehê komelê azad cinîyêke azad a. Şîdeto ke serê cinîyan yeno meşnayîş bi amancê vindîkerdişê komelî yeno kerdene. Şorişê Rojawanî ke bi rayberîya cinîyan geş bi, rayîr vera şîdetê cinîyan girewt û heta roja ewro zî no xoverdayîş dewam keno."

 

Civîne tewr peyîn qiseykerdişê xo de veng da heme cinîyan ke sewîyeya têkoşînî berz bikerê û 25 Teşrîna Peyêne de waran de bê û şîdetê serê cinîyan ra vajê nê.