ÊLIH - Bajarê Êlihî de viraştişê Barajê Ilisu dewam keno. Xebata kiriştişî ya Camîyê Sultan Suleymanî û El-Rizkî zî dewam kena û camî ame rijnayîş.

 

Bajarê Êlihî de viraştişê Barajê Ilisu dewam keno. Viraştişê barajî ver qezaya Heskîfî ke wayîrê tarîxêko 12 hezar serrî ya zî vînî bena. Barajo ke emrê ci 50 serrî yo ver, bajaro antîk game bi game yeno rijnayene. Çarçewaya xebatan de heta nika Turbeya Zeynelbeyî, Hemamê Artuklu û Turbeyê Îmam Abdullahî ameyî kiriştene. Xebata kiriştişî ya Camîyê Sultan Suleymanî û El-Rizkî zî dewam kena û camî ame rijnayîş.

 

Qezaya tarîxî ya Heskîfî ke wayîrê tarîxêko 12 hezar serrî ya de xebata viraştişê Barajê Ilisu dewam kena. Badê texrîbatê cayanê tarîxî niha zî kerrayê mînareyê Camîyê El-Rizkî ke wextê Eyubiyan de 609 serrî verê cû ameyo viraştiş yew bi yew yenî rijnayîş.

 

Mînareyo ke yeno plankerdiş ke bi 3 parçeyan bêro kiriştiş ra kerra yenî vetiş û camî îbadetî rê ameyo padayîş. Darê baxçeyê camî zî ameyî birnayîş û vera nê texrîbatan de bêvengîyêk gird esta. Çemê Dîcle bi xîzan ameyo pirkerdiş û Keleha Heskîfî bi dêsanê betonan yena piştiş.