Lîlav Elî

 

ŞEHBA - Cinîya bi nameyê Sureye Ehmeda 67 serrî ke qezaya Şêrewa de cuyena dîyar kerde ke ê her çiqas raştê hêrişan bêrî zî fer herra xo ra vera nêdanî û kulturê xo do dewam bikerî. 

 

Cinîya bi nameyê Sureye Ehmeda 67 serrî ke qezaya Şêrewa de cuyena dîyar kerde ke ê bi serran o tewrê heme cinîyan kom benî û xele pakî kenî û va: “Badê çinitişî ma xele pakî kenî û bi no hawa debara co kenî. Her çiqas raştê hêrişan bêrî zî fer herra xo ra vera nêdanî û kulturê xo do dewam bikerî.”

 

Sureyaye detpêkê qiseykerdişê xo de wina va: “Ma kulturê xo binê şert û mercê xeylê giranan de danî cuyayîş û hewl danî ke vindî nêkerî. Ma bi têkoşîn û xebata xo ya ortax hêrişanê dewleta tirkî rê benî cewab. Cinîyê kurdî piştîdayîşê yewbînan ra zaf hes kenî. Wexto ke ma piştî danî yewbînan ma yewbînan ra hêz herînenî. Ma do vera hêrişanê dewleta tirkî û çeteyanê girêdayeyê aye de çong nêronî.”

 

'Ti hêzêk nêeşkeno kulturê ma yo kehen çin bikero'

 

Sureyaye tewr peynî wina va: “Ma nika bi xebat û fehmê xo yê azade têkoşîn danî. Her çiqas ke dagirkerî hêrişê ma bikerî zî ma cuya xo dewam kenî. Ma mîyanê hewldayîşan de yî. Ti hêzêk nêeşkeno kulturê ma yo kehen çin bikero. Ma bi kultur û nasnameyê xo estî. Cok ra ganî ma kulturê xo gandar vera bidî. Eke wina nêbo ma do çin bibî.”