AMED - Çalakîya Leyla Guvene kewte roja 9in û cinîyê Amedî yê piştdayîş dayî çalakîye wina vatî: "Leylaye reyke bîn zî dişmin rê ramojnaya ke cinîyê Kurdan wayîrê îradeyêke senîn ê. Wa nêvaja ez tena ya. Têkoşînê ma girs o. Bêşik ma do qezenc bikerê."

 

Parlamenterê HDPî ya Colemêrgî Leyla Guvene 31ê Çele de amî tepiştiş, bi amancê tecrîdê serê Rayberê PKKî Abdullah Ocalanî protesto bikera 8ê Teşrîna Peyêne de grevê vêşanî da destpêkerdiş û grevê aye roja 9in de ya.

 

Piştdayîşê seba çalakîya Leylaye dewam kenê. Cinîyê Amedî zî piştdayîşê xo ardî ziwan. Fatma Sîmbage îradeyê Leylaye ke ramojna ya pîroz kerde û wina va: "Ganî her Kurd vera tecrîdî têkoşîn bikero. Leyla kêna ma ya. Ma serberz kerdî. Leylaye reyke bîn zî ramojna ke cinîyê Kurdan wayîrê îradeyêke senîn ê. Ma vera Leyla de yê. Hewce bikero ma do heme bikoyê grev.”

 

'Leyla îradeyê cinîyê Kurdan temsîl kena'

 

Remzîye Sarili zî da zanayîş ke Leylaye waştişêke heqdar kerda û wina va: "Her Kurdê wayîrê rûmet ganî verê Leyla de ca bigîrê. Leyla îradeyê cinîyê Kurdan temsîl kena. Ma heme Leyla yê. Wa Leyla nêvajo ez tena ya. Ma heme verê aye de yê. Bêşik ma do qezenc bikerê."

 

Asîye Şîmşeke zî wina va: "Eke Tirkîya de edalet û huqûq bibayne, Leyla nika hepisxane de ya. Ganî Leyla nika mîyanê şarî de bibayne. Ma cinî qetî nêheqî qebul nêkenê. Ma sey cinîyê Kurdî verê Leyla de yê.”